Հայկական Ֆեյսբուքը սկսում է տառապել Ամուլսարի «կենարար» խնդրով, երբ Արցախի կենսական հիմնախնդիրը խաղասեղանին ա դրված. Կոստանյան

Հայաստանում հիշում են Ամուլսարի շատ հրատապ թեման, ու հայկական Ֆեյսբուքն սկսում է տառապել Ամուլսարի «կենարար» խնդրով, երբ Արցախի կենսական հիմնախնդիրը խաղասեղանին ա դրված։ Այս մասին ֆեյսբուքյան իր էջում գրել է Ազգային ժողովի նախկին պատգամավոր Աննա Կոստանյանը:

«Շատ հետաքրքիր մանյովրներ են տեղի ունենում.

- Արցախում, ըստ ասեկոսեների, Վարդանյանի հրաժարականը կդառնա Բերձորի միջանցքի բացման երաշխիք (մինչև ալիևի հաջորդ որևէ այլ պահանջով ճամփեն նորից կփակեն),

- Էս ընթացքում Հայաստանում կենցաղային բնույթի բողոքներ են հրահրվում (ՊՆ շենքից մարդկանց վռնդելը և այլն)` հանրային ուշադրությունը շեղելու ուղղությամբ,

- Հետո Խաչատուրովի ձերբակալությունը,

- Հետո Մյունխենյան անվտանգային կոնֆերանսի եզրահանգումներ,

- Հետո Բաբայանը հարցազրույց ա տալիս, ինչ-որ բաներ ա ասում, «եսիմ ոնց» հանկարծ հասնում ա Արցախ, հորդորում` դե պետք ա խոսանք թուրքի հետ, բա ոնց,

- Սրան զուգահեռ նորից քննարկվում ա Արայիկ Հարությունյանի կողմից Վարդանյանին ազատելու հարցը,

- Մեկ էլ հոպ, Հայաստանում հիշում են Ամուլսարի շատ հրատապ թեման, ու հայկական Ֆեյսբուքն սկսում ա տառապել Ամուլսարի «կենարար» խնդրով, երբ Արցախի կենսական հիմնախնդիրը խաղասեղանին ա դրված։

Դե բա կարծիք ա, բա, պիտի հայտնե՞նք, թե չէ, ամեն «հույժ, հրատապ, կարեւոր» հարցերի մասին, ու կապ չունի մենք դրանից հասկանում ենք, թե չէ»,- գրել է Կոստանյանը: