Նրանք, ովքեր խանգարում են մեզ՝ փորձելով հաղթել այս պատերազմում, բացարձակապես, ուղղակիորեն աշխատում են հակառակորդի օգտին. Եվգենի Պրիգոժին

Հաղորդվում է, որ ռուսական զորախմբի հիմնադիրը զայրացած է, որ Կրեմլը պատշաճ կերպով մատակարարում չի իրականացնում իր զորքերին: Այս մասին տեղեկացնում է հրեական The Jerusalem Post-ը:

Ռուսական «Վագներ» վարձկան խմբավորման հիմնադիր Եվգենի Պրիգոժինը մեղադրել է անանուն պաշտոնյաներին իր մարտիկներին միտումնավոր բավարար քանակությամբ զինամթերք չտալու մեջ՝ որպես իր և ռուսական էլիտայի մի մասի միջև շարունակվող մրցակցության մաս:

Ի՞նչ է ասել Պրիգոժինը

Երկուշաբթի օրը նրա մամուլի ծառայության կողմից հրապարակված յոթ րոպե տևողությամբ աուդիո հաղորդագրության մեջ ակնհայտորեն զայրացած և զգացմունքային Պրիգոժինը երբեմն բարձրաձայն խոսելով և երբեմն հայհոյելով՝ ասել է. «Ես չեմ կարողանում լուծել այս խնդիրը՝ չնայած իմ բոլոր կապերին ու շփումներին»։

Դրա հետ մեկտեղ, նա նշել է, որ ռուսական ռազմական արտադրությունն այժմ բավարար է ռազմաճակատում կռվող ուժերին մատակարարելու համար։

«Նրանք, ովքեր խանգարում են մեզ՝ փորձելով հաղթել այս պատերազմում, բացարձակապես, ուղղակիորեն աշխատում են հակառակորդի օգտին»,- ասել է նա։

Հակամարտության սկզբից ի վեր Պրիգոժինը հրապարակավ վիճել է գեներալների և Կրեմլի պաշտոնյաների հետ՝ նրանց մեղադրելով Կիևի դեմ արշավը հետապնդելու անբավարար նախանձախնդրության մեջ: Նա իր ամենակոշտ քննադատությունը վերապահել է Ռուսաստանի պաշտպանության նախարարությանը։

Իր աուդիոուղերձում Պրիգոժինն ասում է, որ չճշտված անձինք, որոնց նա մեղադրում է զինամթերքի պակասի մեջ, «նախաճաշում, ճաշում և ընթրում են ոսկե ափսեներով» և իրենց հարազատներին արձակուրդ են ուղարկում Դուբայ, որը հայտնի վայր է ռուսական էլիտայի համար:

Անցյալ շաբաթ Սպիտակ տունը հայտարարեց, որ «Վագներ» խումբը 30 հազարից ավելի զոհ է տվել Ուկրաինա Ռուսաստանի ներխուժումից հետո, որոնցից մոտ 9000-ը զոհվել են գործողությունների ժամանակ: Դեկտեմբերից ի վեր Ուկրաինայում սպանվածների մոտ 90%-ը դատապարտյալներ են եղել, ասվում է, որ Պրիգոժինը բանտարկյալներ է հավաքագրել է կռվելու համար: