Ովքեր հանեցին Վարդանյանին՝ պատրաստ են գնալ զիջումների, բայց իհարկե Ալիևը նրանց կարգավիճակ չի տա․ քաղաքագետ

Քաղաքագետ Արթուր Խաչիկյանն Արցախում տեղի ունեցող ներքին պրոցեսների մասին քիչ է տեղեկացված, բայց, ըստ նրա, Արցախի արդեն նախկին պետնախարար Ռուբեն Վարդանյանը պետք է պայքարեր մինչև վերջ, մինչև Արցախի անկախություն, բայց նրան, ըստ քաղաքագետի, Ադրբեջանի պահանջով, հեռացրին։

«Ստացվում է, որ այն մարդիկ, ովքեր դա արեցին, պատրաստ են գնալ զիջումների։ Թե ինչ են պատրաստվում զիջել՝ չգիտեմ։ Բայց իհարկե, նրանք կարգավիճակ ստանալ չեն կարող՝ Ալիևը դա ասել է։ Նա ասել է, թե ինչպես է վերաբերվում հային՝ որպես փոքրամասնություն, մենք պետք է դա պատմությունից իմանանք, թե ինչ է նշանակում բռնապետի համար, որը ատում է հայերին»,- ասաց քաղաքագետը՝ վստահեցնելով, որ Ալիևը հնարավորությունը բաց չի թողնի լուծել հարցն այն ձևով, ինչպես լուծվեց Արևմտյան Հայաստանի դեպքում։

Ըստ քաղաքագետի՝ ադրբեջանցիները կգան Արցախ, հայերի մի մասն այնտեղից կտեղահանվի, մի մասն էլ՝ կցեղասպանվի։

«Այն անվտանգության երաշխիքները, որ տրվում են Արևմուտքի կողմից, պիտի իմանանք՝ ինչ է նշանակում, եթե չգիտեք՝ Սփյուռքի հայերը ձեզ կպատմեն»,- ասաց քաղաքագետը։