Կիևում օդային տագնապ է հայտարարվել

Կիևի մարզի երկնքում օդային թիրախներ են գրանցվել, հակաօդային պաշտպանության ուժերը պատրաստ են հետ մղել վտանգը, հայտնում է Կիևի շրջանային վարչակազմի պաշտոնական հեռագրային ալիքը։

Կիևի շրջանի բնակիչներ օդային թիրախներ են տեսել։ ՀՕՊ ուժերը պատրաստ են։ Մնացեք ապաստարաններում  և պահպանեք անվտանգության կանոնները։ Մի նկարահանեք և մի տեղադրեք համացանցում որևէ բան,–նշվում է հայտարարության մեջ։

Մինչդեռ ուկրաինական լրատվամիջոցները հայտնում են, որ օդային օբյեկտները Չեռնիգովից թռչում են Կիև։ Չեռնիգովի մարզում օդային տագնապ է հայտարարված։