Արմավիրի մարզում աները կրակոցով սպանել է 31-ամյա փեսային

Սպանություն է տեղի ունեցել Արմավիրի մարզում:

Shamshyan.com-ի հաղորդմամբ ժամը 16:50-ի սահմաններում ՀՀ Ներքին գործերի նախարարության Ոստիկանության Վաղարշապատի բաժին օպերատիվ տեղեկություններ են ստացվել, որ Ջրառատ գյուղի Թումանյան փողոցում կրակոցներ են հնչել և կա վիրավոր:

Ժամանելով նշված գյուղ՝ Թումանյան փողոցի 20 տան մոտ ոստիկանները հայտնաբերում են Opel մակնիշի ավտոմեքենա, որի աջ կողմում՝ գետնին, հայտնաբերում են հրազենային վնասվածքներով տղամարդու դի:

Ոստիկանները ու քննիչները պարզում են, որ սպանվածը նույն գյուղի բնակիչ 31-ամյա Կարեն Մ.-ն է, ու մինչ ոստիկանները ու քննիչները սպասում էին դատաբժշկի ժամանմանը, ոստիկանության Արմավիրի մարզային վարչության պետ Կ. Հակոբյանն ու Ոստիկանության Վաղարշապատի բաժնի պետ Ա. Բդոյանը մի քանի գյուղացիների հետ զրույցում պարզում են ենթադրյալ սպանություն կատարողի ինքնությունը, ով Կոտայքի մարզի բնակիչ 46-ամյա Արմեն Խանոյանն է:

Դեպքի վայրում հայտնաբերվել է արնանման հետքեր, արնանման պարագաներ որպես տաքսի շահագործվող Opel-ի մեջ, արյունոտված բահ, իսկ ղամիշների մոտ հայտնաբերվել է հանցագործության գործիք հրազենը և բջջային հեռախոսը, որի վրա կա արնանման հետքեր:

Տեղում աշխատել է նաև ՀՀ ՆԳՆ Ոստիկանության Արմավիրի մարզային վարչության ավագ փորձաքրեագետ Արայիկ Նավասարդյանը:

Դեպքի փաստով Վաղարշապատի քննչական բաժնում սպանություն հատկանիշներով նախաձեռնվել է քրեական վարույթ:

Քննիչի որոշմամբ Ա. Խանոյանը ձերբակալվել է:

Ոստիկանններին հաջողվեց կարճ ժամանակում գյուղում իրավիճակը վերցնել իր վերահսկողության տակ, ինչի շնորհիվ կանխվեց վենդետան: Opel-ը քննիչի հանձնարարականով տեղափոխվեց Ոստիկանության Վաղարշապատի բաժնի պահպանվող հատուկ տարածք: