Դատավորն իրավունք չունի կարծիք հայտնել իր կողքի դատարանի որոշման հետ կապված. Մինասյանը՝ դատավորներին պատասխանատվության ենթարկելու մասին

Որևէ միտում կամ հատուկ նպատակ չկա, քանի որ  ՀՀ արդարադատության նախարարությունը Դատական օրենսգրքով սահմանված կարգով հարուցում է վարույթներ, և եթե վարույթ հարուցելուց հետո գտնում են, որ կան իրավական հիմքեր միջնորդության գնալ դեպի Դատական խորհուրդ, ապա լիազորությունների շրջանում գնում է ու պատշտպանում իր տեսակետը: Լինում են և՛ հաղթանակներ, և՛ պարտություններ: Ու բոլորս պետք է ընկալենք, որ եթե դատավոչը ենթարկվում է պատասխանատվության, ապա դա նշանակում է, որ դատավորը պետք է դժգոհ լինի իր նկատմամբ կայացված որոշումից: Այս մասին լրագրողների հետ զրույցում ասաց  ՀՀ արդարադատության նախարար Գրիգոր Մինասյանը՝ անդրադառնալով պատասխանատվության ենթարկված դատավորներին: 

Հարցին, թե արդյոք կամայական չէ՞, երբ մարդը կարծիք է արտահայտում և ենթարկվում պատասխանատվության, Մինասյանը նշեց, որ դեպքերից մեկը կարծիք արտահայտելու շրջանակներից դուրս է, քանի որ Դատական օրենսգիրքը սևով սպիտակի վրա սահմանում է, որ դատավորն իրավունք չունի կարծիք հայտնել, դիրքորոշում հայտնել իր կողքի դատարանի որոշման հետ կապված: Այս պարագայում Դատական օրենսգրքի կոնկրետ հոդվածներ են խախտվել:

Հարցին, թե փաստորեն վեթինգը սա՞ է ենթադրում, Մինասյանը նշեց. «Ընդհանրապես գլոբալ վեթինգ մեր Սահմանադրությունը թույլ չի տալիս իրականացնել: Գլոբալ վեթինգը մի երևույթ է, որտեղ մեկ օրում բոլոր դատավորներն աշխատանքից դուրս են գալիս և նոր ընթացակարգերով ընտրվում է դատական իշխանությունների կազմ: Այս դեպքում գործող օրենսդրական կարգով ՀՀ արդարադատության նախարարությունն իրականացնում է իր լիազորությունները»: