Մոսկվայի այլընտրանքն Անկարան է. Էդուարդ Շարմազանով

Մեկ անգամ չէ, որ ասել եմ՝ Հայաստանն իր արտաքին քաղաքականության շեշտադրումը պետք է անի դեպի Մոսկվա: Միաժամանակ զարգացնի հարաբերությունները Թեհրանի և Պեկինի հետ, բայց հիմնական ռազմավարական դաշնակիցը պետք է շարունակի մնալ Մոսկվան: Սա չի քննարկվում: Այս մասին այսօր կայացած մամուլի ասուլիսի ժամանակ ասաց ՀՀԿ խոսնակ Էդուարդ Շարմազանովը: 

Նրա խոսքով՝ Մոսկվայի այլընտրանքն Անկարան է, և սա փաստ է:  

«Մի՛ նայեք, որ Մոսկվան ու Անկարան այսօր ունեն որոշակի հարաբերություններ, բայց այդ հարաբերություններից ավելի շատ կան հակասություններ: Ինչի Ռուսաստանը մեղավոր չի՞, որ Նիկոլն իրան քցել ա կամ Նիկոլն էսօր իշխանության ա: Նոյեմբերի 9-ից հետո Նիկոլ Փաշինյանը մնացել է իշխանության բացառապես պաշտոնական Մոսկվայի բարեհաճության արդյունքում: Բունկերում պախկվել էր: Ո՞ւր էր Նիկոլը: Պարզապես գնաց Վլադիմիր Վլադիմիրիչին 7 հարկանի «Спасибо»-ներ ասաց: Երբ Նիկոլը վերընտրվեց վարչապետ և գնաց Մոսկվա, Պուտինը նրան չշնորհավորեց, բայց մեկ բան ասաց՝ «Ես հուսով եմ, որ ընտրությունից հետո արդեն լեգիտիմ ես ու կկատարես այն խոստումը, որը տվել ես»: Բայց այդ խոստումը միայն թղթի վրա չէ: Թե բանավոր ինչեր է խոստացել՝ ես չգիտեմ: Ես չեմ բացառում, որ և՛ Պուտինի մոտ է Ալիևին շատ բան խոստացել, և՛ Միշելի և Էրդողանի մոտ: Այդ մարդու քաղաքականությունն աջափսանդալ է: Ո՞նց կարելի է ամիսներ շարունակ հակառուսականություն քարոզել, քո ԱԽՔ-ին ուղարկել եթեր, որ ասի՝ մեզնից Ռուսաստանը պահանջում է, որպեսզի մտնենք Միութենական պետություն և երկու օր հետո ասել, որ էդպիսի բան չկա»,- նշեց Շարմազանովը:

Նա հարց ուղղեց՝ այսքանից հետո մենք պետք է սպասենք, որ մեզ վերաբերվեն որպես լուրջ հասարակությո՞ւն: