Իրանը հայտարարել է հիպերձայնային բալիստիկ հրթիռի արտադրության մասին

Իրանը հայտարարել է, որ արտադրել է հիպերձայնային բալիստիկ հրթիռ, որը կարող է շարժվել ձայնի արագությունից 8 անգամ ավելի արագ։ Հայտարարվում էր, որ հրթիռի փորձարկումները հաջող են անցել, և սկսվել է զանգվածային արտադրություն, սակայն չի նշվում, թե երբ և որտեղ է փորձարկվել հրթիռը։ ԱԱյս մասին տեղեկացնում է Akşam-ը։

Թեհրանում կայացած միջոցառման ժամանակ Իրանի գլխավոր շտաբի պետ, գեներալ-մայոր Մոհամմադ Բաքերին իր ելույթում ասել է. «Իրանը նման հրթիռներ արտադրելով դարձել է այն երեք երկրներից մեկը, որոնք ունեն այդ հրթիռները»:

Իրանը հայտարարել է, որ արտադրել է «հիպերձայնային բալիստիկ հրթիռ», որը կարող է ոչնչացնել շարժվող ծովային մեքենաները և շարժվում է ձայնի արագությունից 8 անգամ ավելի արագ։

Իրանի կիսապաշտոնական Fars News լրատվական գործակալության փոխանցմամբ՝ Իրանի գլխավոր շտաբի պետ գեներալ-մայոր Մոհամմադ Բաքերին մայրաքաղաք Թեհրանում կայացած միջոցառման ժամանակ իր ելույթում ասել է, որ իր երկիրը բալիստիկ հրթիռներ է արտադրում, որոնք կարող են ոչնչացնել շարժվող ծովային մեքենաները։ 

Նշելով, որ հրթիռի փորձարկումները հաջող են անցել, և սկսվել է զանգվածային արտադրությունը, Բաքիրին ասել է. «Իրանը նման հրթիռներ արտադրելով դարձել է այն երեք երկրներից մեկը, որոնք ունեն այդ հրթիռները»։

Պնդելով, որ խնդրո առարկա բալիստիկ հրթիռի արագությունը 8 մախ է (ձայնի արագությունից 8 անգամ), իսկ հեռահարությունը՝ 1500 կիլոմետր, Բաքիրին հայտարարել է. որ նման հրթիռ ունենալը երկրի շուրջ գտնվող ծովերում կստեղծի անվտանգության գոտի՝ մինչև հազար կիլոմետր շառավղով։

Նա, սակայն տեղեկություն չի հայտնել, թե երբ և որտեղ է փորձարկվել հրթիռը։

Իրանի հեղափոխության պահապանների բանակի ռազմաօդային ուժերի հրամանատար, բրիգադային գեներալ Էմիր Ալի Հաջիզադեն նույնպես 2022 թվականի նոյեմբերի 10-ի հայտարարության մեջ ասել է, որ իր երկիրը նոր բալիստիկ հրթիռ է մշակել։

Հիպերձայնային հրթիռները, որոնք շարժվում են ձայնի արագությունից 5 անգամ ավելի արագ, չեն կարող արգելափակվել հակաօդային պաշտպանության համակարգերի կողմից։