Թե՛ Իրանը, թե՛ Հնդկաստանը փորձում են ձևավորել ինքնաբավ ռազմական տնտեսություն, որը Հայաստանի համար հավելյալ հնարավորություններ է ստեղծում. Արա Պողոսյան
Հայաստան-Իրան-Հնդկաստան հնարավոր առանցքը ունի թե' տնտեսական և թե' աշխարհաքաղաքական լուրջ հավակնություններ։ Այս մասին ֆեյսբուքում գրել է քաղաքագետ Արա Պողոսյանը.
«Հայաստանի Հանրապետության համար այսպիսի առանցքը կարեւոր է հատկապես այն իմաստով, որ վերջապես Հայաստանը կարող է լինել տարածաշրջանում այնպիսի առանցքային միավորման մաս, որի հետ կունենա ցամաքային ուղիղ կապ։ Ցամաքային ուղիղ կապի առկայությունը Հայաստանի Հանրապետության համար կարեւոր է հատկապես ճգնաժամային կառավարման տեսանկյունից։ Սա հնարավորություն է, ճգնաժամային իրավիճակներում մատակարարման անխափան հնարավորություն ունենալու, որը հատկապես ո'չ ինքնաբավ ռազմական տնտեսություն ունեցող երկրի համար կենսական նշանակություն ունի։ Այս հանգամանքը նաև 2020 թվականի պատերազմի ընթացքում իրեն զգացնել տվեց։
Մյուս կողմից, թե' Իրանը և թե' Հնդկաստանը փորձում են ձեւավորել ինքնաբավ ռազմական տնտեսություն, որը Հայաստանի համար հավելյալ հնարավորություններ է ստեղծում։ Սակայն դարձյալ կարեւոր է Հայաստանի Հանրապետության դիրքորոշումը ռազմական տնտեսության կառուցման հարցում` սպառող թե՞ արտադրող ռազմական տնտեսություն ենք զարգացնելու։ Սպառողական ռազմական տնտեսության պարագայում որակական փոփոխություն ըստ էության չի' լինելու մեր անվտանգային համակարգի մեջ, իսկ արտադրող ռազմական տնտեսություն կառուցելու պարագայում հնարավորություն կունենանք օգտվել դաշնակիցների տեխնոլոգիական հնարավորություններից և ռեսուրսային ապահովման տեսանկյունից կարող ենք լինել ինքնաբավ ի հաշիվ մեր այս դաշնակցային գծի։
Իրանի Չաբահար նավահանգիստը ըստ էության դառնում է Հնդկաստան-Իրան տնտեսական հանգույց, որի շարունակությունը կարող է լինել Հայաստանի միջոցով, ինչը մեզ համար կբերի և' հավելյալ տնտեսական հնարավորություններ ու աշխուժություն, և' ռազմավարական կոմունիկացիաներ, որոնց անհրաժեշտությունը պարզապես ակնհայտ է։
Հաջորդիվ կխոսենք Հայաստան-Իրան-Չինաստան հավանական դաշնակցային գծի մասին, որը ո'չ թե վերը նշված Հայաստան-Իրան-Հնդկաստան աշխարհաքաղաքական գծի այլընտրանքը պետք է լինի, այլ փոխլրացնող աշխարհաքաղաքական գիծ, որը նաև քառակողմ համագործակցության հարթակ կարող է ծառայել ապագայում»։
Եղեգնաձորում ընտրական իրավիճակը լարված է. «Նայեք, աջ ու ձախ չֆիքսեմ». «Իրավունք»
Գորիսի նախընտրական փակագծերը. Առուշանյանն ազատվում է ՔՊ-ից, իշխանականները «օրերն են հաշվում». «Փաստ»
Ծնողներին խաբել-տարել են «Կրթվելը նորաձեւ է»-ի հավաքին
«Հերիք է հայրենասիրություն քարոզեք... չկա հայոց պատմություն». ի՞նչ է հրահանգել Փաշինյանն ուսուցիչներ...
Նիկոլ Փաշինյանի հետ՝ Սերժ Սարգսյանի դեմ, այսօր՝ այլ քաղաքական ճամբարում․ ի՞նչ է փոխվել
«Ում հետ նկարվել ես, թող նա էլ աշխատանք տա». Փաշինյանին են փոխանցվել քաղաքական ազատումների կոնկրետ ա...
Ինձ համար հոգեպես շատ բարդ է ամեն անգամ ստանալ այս ատելության ալիքները․ բլոգեր HayDalek-ը հայտնել է ...
Ինչպես է Փաշինյանը ժրաջանորեն փայլեցնում իր կոշիկները (տեսանյութ)
Հայտնի բժիշկ-սրտաբանի մոտ հայտնաբերվել է մարիխnւանա
Հակակոռուպցիոն կոմիտեն մանրամասնել է` ինչու են ձերբակալվել «Ուժեղ Հայաստանի» թեկնածուն ու համակիրներ...
