«Որտե՞ղ է էդ «նյեկոռուպցիոն» տեղը, որ կարելի է բնակարան ձեռք բերել․ հույսս դրել եմ Աշոտի վրա, ինքն էլ չի կարողանում»․ Փաշինյան (տեսանյութ)
Կոռուպցիոն ռիսկեր, բնության մեջ, գոյություն ունեն ամեն քայլափոխի։ Կոռուպցիոն ռիսկ, հազար ներողություն, չեմ ուզում ոչ մեկի վիրավորած լինեմ, կարող է նույնիսկ էս ստենդի մեջ կա։ Այս մասին ասուլիսի ժամանակ ասաց Նիկոլ Փաշինյանը՝ ցույց տալով իր ֆոնին դրված ստենդը և արձագանքելով իր թիմակիցների թանկարժեք տներ ձեռք բերելու մասին տեղեկություններին, որտեղ կոռուպցիոն ռիսկեր են նշվարվում։
«Ասել եմ՝ ասուլիս պետք է անենք, ինչ-որ մարդիկ գնացել են, ինչ-որ տեղ պատվիրել են և այլն, և այլն․․․ ամեն տեղ կա կոռուպցիոն ռիսկ»,- ասաց նա։
Փաշինյանը նկատեց, որ եթե լրագրողը տալիս է, օրինակ, Լիլիթ Մակունցի, Տրդատ Սարգսյանի ու իր մյուս թիմակցիների անունները, ապա ինքը կարող է դրան ավելացնել ևս 25 000 անուն։
«Էդ փողը որտե՞ղից․ եթե այդ 4-ը լինեին տուն ձեռք բերած ու երկրում էլ ուրիշ մարդ տուն չառներ՝ կխոսեինք էն ժամանակ։ Կամ, բերում եք Հովիկ Աբրահամյանի օրինակը։ Նա 2 մլն դոլար է հայտարարագրել։ Այ, եթե ձեր թված մարդկանցից որևէ մեկը 2 մլն դոլար կհայտարարագրի՝ այն ժամանակ կխոսեն»,- ասաց Փաշինյանը։
Նա առաջարկեց ցույց տալ այն տեղը, որտեղից կարելի է բնակարան ձեռք բերել։
«Որտե՞ղ է էդ «նյեկոռուպցիոն» տեղը, որտեղից կարելի է բնակարան ձեռք բերել, ասե՛ք, ես էլ ձեռք բերեմ, ես էլ եմ ուզում, որովհետև հույսս դրել եմ Աշոտի վրա, ինքն էլ չի կարողանում վաճառի»:
