Ինչու է գործակալ Օմեգայի ղեկավարը բանակը համարում է 5-րդ շարասյուն. գնդակը ընդդիմության դաշտում է

«Եթե բոլորի՝ ընդդիմություն, իշխանություն, գնահատականն այն է, որ այնուամենայնիվ, պատերազմը կարող էր այդ ելքը չունենալ, ի՞նչն է պատճառը, որ տեղի ունեցավ այն, ինչ տեղի ունեցավ: Իմ համոզմունքն այն է, որ մենք պատերազմը պարտվել ենք այն պատճառով, որովհետև մեր բանակում գործել է 5-րդ շարասյուն: Սա իմ համոզմունքն է՝ մի շարք փաստերի վերլուծության արդյունքում: Կարծում եմ՝ առաջիկայում այդ փաստերն այնքան հրապարակային կլինեն, որ իմ այս արած հայտարարությունն այնքան տարօրինակ չի թվա, որքան թվացել է»։

Այս ամենը Հայաստանի վարչապետ Նիկոլ Փաշինյանն այսօր ասել 4 ժամ 30 րոպե տևած ասուլիսի ժամանակ։

Հայաստանի վարչապետը հայտարարել է, որ իր ասածը փաստում է այն, որ Ազգային անվտանգության ծառայությունը վերջին շրջանում այնքան լրտեսի գործ է հարուցել, որքան չի հարուցվել նակինում։ Նույն ասուլիսի ընթացքում Նիկոլ Փաշինյանը մի քանի անգամ պնդել է, որ Ադրբեջանը պատրաստվում է ռազմական գործողություններ սկսել ինչպես Արցախի, այնպես էլ Հայաստանի դեմ։

Սա ուղիղ հայտարարություն է պատերազմի նախաշեմին գտնվելու մասին Գոտիները ձգելու փոխարեն այդ վիճակում գտնվող երկրի ղեկավարը 5-րդ շարասյուն է անվանում երկրի սահմանների անվտանգությունն ապահովող բանակը, այն բանակը, որը եթե սահմանին կանգնած չլիներ, ադրբեջանական զորքը Նիկոլ Փաշինյանին վաղուց տեղափոխել էր Ադրբեջան։ Թե ինչու է Հայաստանի վարչապետը այսպես խայտառակում իր ղեկավարած երկիրը և այն պահող բանակը, վաղուց որևէ մեկի համար անակնկալ չէ, բայց այս հայտարարությունը, որը արեց Փաշինյանը, կայծակնային արագությամբ պետք է դառնա Ազգային ժողովի երկու ընդդիմադիր խմբակցությունների համար Փաշինյանին պաշտոնանկ անելու գործընթաց սկսելու մեկնարկ։

Ընդդիմության համար չի լինի որևէ արդարացում, եթե Փաշինյանին պաշտոնանկ անելու համար ընդդիմադիրների ձայները բավարար չեն։ Այո՛, կարող են բավարար չլինել, բայց ինքնին այդ գործընթացը ցույց կտա աշխարհաքաղաքական կենտրոններին և Ադրբեջանին առաջին հերթին, որ Փաշինյանից ու նրա թմից բացի որևէ մեկը Հայաստանում բանակը 5-րդ շարասյուն չի համարում։

Ընդդիմությունը պետք է սկսի Փաշինյանին պաշտոնանկ անելու գործընթաց, որպեսզի պարտադիր գործընթաց՝ բանակի հետագա պախարակումը կանխելու համար։
Հայաստանի հանրապետության յուրաքանչյուր ընտանիք իր արու զավակին ուղարկում է ծառայության, Նիկոլ Փաշինյանի թևի տակ ծվարած նախարարները ստանում են միոլոններ Երևանի կենտրոնում զբոսնելու ու ժամավաճառության համար, մինչդեռ նախարարից մի քանի անգամ պակաս աշխատավարձ ստացող զինվորն ու սպան այսօր անգամ սպիտակ վրանի տակ պաշտպանում են հայրենքի սահմանը և պետության ղեկավարի կողմից արժանանում գործակալի պիտակավորման։

Հատուկ ուշադրության է արժանի այն հանգամանքը, որ բանակը 5-րդ շարասյուն է անվանում մի իշխանության ղեկավար, որի աջ թևը Թուրքիայի համար որպես գործակալ աշխատած, գործակալ Օմեգա հռչակը վայելող մեկն է, իսկ Ազգային ժողովում են ժամանակին տարբեր գրանտներով Թուրքիայում կրթություն ստացած մարդիկ։

                                                    NEWSPRESS.am