Ղարաբաղի հայերը կամ պետք է համաձայնեն վերաինտեգրմանը, կամ հեռանան. ադրբեջանցի պատգամավոր

«Ադրբեջանի Ղարաբաղի շրջանում բնակվող հայերը մերժել են Բաքվում բանակցություններ վարելու Ադրբեջանի իշխանությունների առաջարկը։ Նրանք հայտարարել են, որ պատրաստ են հանդիպել միայն Խոջալուի ռուսական խաղաղապահ ուժերի շտաբում։ Անջատողականները նաև ասացին, որ իրենք որևէ բանակցություն չեն վարի Ադրբեջանին իրենց վերաինտեգրման վերաբերյալ»:

Այս մասին նշել է ադրբեջանցի պատգամավոր Ֆազիլ Մուստաֆաևը:

«Ղարաբաղում ապրող էթնիկ հայերը պետք է վերջապես հասկանային, որ այլ ելք չկա, քան վերաինտեգրվել Ադրբեջանին։ Միայն այս ճանապարհը կերաշխավորի նրանց խաղաղությունն ու անվտանգությունը։ Այս հայերն այլ ելք չունեն. Կամ նրանք կշարունակեն շփումները Բաքվի հետ, կառուցողական կուրս կգնան և կներգրավվեն վերաինտեգրման գործընթացին, կամ ստիպված կլինեն լքել օկուպացված տարածքը։ Երրորդ ճանապարհ չկա, և եթե ինչ-որ մեկը նրանց նման ճանապարհ է խոստանում, ապա պետք է ի սկզբանե իմանան՝ նման խոստումները տանում են դեպի անդունդ»,- մեկնաբանել է պատգամավոր Ֆազիլ Մուստաֆան։