Արսենյանը առաջարկում է գնդակահարություն. Ժողովրդավար Հայաստանի Կիմ Չեն Ինը
Հայաստանում թմրամիջոցների շրջանառությունը և օգտագործման ծավալները գնալով հասնում են վտանգավոր չափերի։
Վտանգը այն աստիճան է մեծացել, որ 2023 թվականը Ներքին գործերի նախարարությունը հռչակել է թմրամիջոցների դեմ պայքարի տարի, որովհետև, ըստ Ներքին գործերի նախարար Վահե Ղազարյանի, Հայաստանում վիճակը մտահոգիչ է և կան թմրամիջոցների շրջանառության մեծ ծավալներ։ Անշուշտ, այդ մեծ ծավալներին նպաստել է նաև այն պարեկը, ով երեկ բռնվեց թմրամիջոց վաճառելու գործով։
Հիշեցնենք, որ Քննչական կոմիտեն ձերբակալել է մի պարեկի, ով զբաղված է եղել թմրանյութերի վաճառքով։ Դեպքը տեղի է ունեցել Արագածոտնի մարզում, երբ պարեկը ձերբակալվել է «կրիստալ» տեսակի թմրանյութ վաճառելու գործով։
Հիմա բուն խնդրի մասին. այն, որ թմրամիջոցների օգտագործման և տարածման դեմ պայքարը պետք է ավելի խստացվի, այն, որ դրա կանխարգելման համար պետությունը պետք է հսկայական ֆինանսական միջոցներ հատկացնի, անհերքելի է ու այս հարցում այլ կարծիք լինել չի կարող։ Անհասկանալի է, թե ինչու այդ անհերքելի ճշմարտությունը չի գիտակցում «Քաղաքացիական պայմանագիր» կուսակցության պատգամավոր Գուրգեն Արսենյանը։
Արսենյանը առաջարկում է գնալ ոչ թե ֆինանսական ռեսուրսներ պահանջող երկար և փշոտ ճանապարհով՝ մարդկանց գիտակցությունից դուրս հանելով թմրամիջոց օգտագործելու միտքն անգամ, այլ ընտրում է կարճ ու փող չպահանջող ուղին։
Գուրգեն Արսենյանը առաջարկում է ուղղակի գնդակահարությամբ լուծել թմրամիջոց օգտագործող մարդկանց հարցերը, ասել է թե, գլխացավը բուժելու փոխարեն առաջարկում է կտրել գլուխը։
Պետք է նկատել, որ գնդակահարություն է առաջարկում մի իշխանության պատգամավոր, ով հանդես է գալիս որպես ժողովրդավարության բաստիոնի ներկայացուցիչ։
«2016 թվականին ֆիլիպիններում ընտրվեց մի նախագահ, որը իր թիվ մեկ թիրախը հայտարարեց թմրանյութերի դեմ պայքարը։ 113 միլիոն բնակչություն ունեցող երկրում առանց որևէ դատավճռի գնդակահարվեց թմրանյութ վաճառող մինչև 20 հազար մարդ, ինչից հետո 600 հազար մարդ կամավոր գնաց հանձնվեց, որպեսզի չգնդակահարվի։ Սա կովիդից ավելի սարսափելի համաճարակ է»,-Ազգային ժողովում Ներքին գործերի նախարար Վահե Ղազարյանին թմրանյութերի դեմ պայքարի իր կոնցեպտ-առաջարկն է ներկայացրել Գուրգեն Արսենյանը։
Ստացվում է, որ մարդկանց գնդակահարելու կողմնակիցները «Քաղաքացիական պայմանագիր» կուսակցությունում օր օրի են ավելանում, Արսեն Թորոսյանից հետո այդ շարքը շարունակում է Արսենյանը, ինչը ցույց է տալիս, որ ժողովրդավարական կոչերով իշխանություն դարձած մարդիկ խնդիրները լուծելու համար նախընտրում են ուղղակի գնդակահարությամբ վերջ տալ խնդրին՝ չկա մարդ, չկա խնդիր բռնապետական տրամաբանությամբ։
Ամեն գնով արատների դեմ պայքարում կոմպրոմիսի չգնալու իմիտացիա անող Արսենյանին այս դեպքում պետք է ընդամենը մի հարց տալ, իսկ ի՞նչ կանի ինքը, երբ Վահե Ղազարյանը իր առաջարկը ընդունի, բայց որոշի գնադակահարություննների շարքը սկսել հենց «Քաղաքացիական պայմանագրից»։
Մտածել է պետք, թե Արսենյանի առաջարկը բումերանգի էֆեկտով ո՞ւր կարող է հասնել...
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
Էրեբունիում հայրը փորձել է բռնաբարել դստերը. «Հրապարակ»
Կյանքից հեռացել է «Նաիրի» ԲԿ ֆիզիոթերապիայի բաժնի ղեկավար Անահիտ Հասրաթյանը
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Զnhված տղաների шրյшն հոտը վերցրել էր ողջ քաղաքը. 19.09.2023. հիշում է՝ արgախgի Նանար Պողոսյանը
Հայաստանի բնակիչը հացադուլ է հայտարարել՝ Մոսկվայից պահանջելով վերադարձնել իր 3 երեխաներին
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
Մահացել է Մակրոնի կնոջը տղամարդ անվանած լրագրողուհին
