Փայլակ Հայրապետյանը հույսը կտրել է դատարանից. դիմում է նախագահին. «Ժամանակ»
«Օֆշորի հայտնի գործով սնանկացած գործարար Փայլակ Հայրապետյանը, հույսը կտրելով դատական ճանապարհով արդարադատության հասնելուց, դիմում է Սերժ Սարգսյանին՝ համարելով, որ այս հարցը քաղաքական հարց է, վերաբերում է երկրի հեղինակությանը, եւ իրեն այլեւս չի հետաքրքրում գործով մեղադրյալ Աշոտ Սուքիասյանը պատասխանատվության կենթարկվի, թե ոչ:
Հայրապետյանը պահանջում է, որպեսզի Սերժ Սարգսյանի հետ հանդիպմանը ներկա լինեն նաեւ ՀՀ նախկին վարչապետ Տիգրան Սարգսյանը, Արարատյան հայրապետական թեմի առաջնորդ Նավասարդ արքեպիսկոպոս Կճոյանը եւ «Ամերիաբանկի» պատասխանատուները: Այլապես, գործարարի խոսքով, իր հետ կատարվածն անմիջականորեն ազդում է երկրի հեղինակության վրա եւ հաջորդիվ, այն 1-2 ներդրողները, որոնց կառավարությունը ճրագով է փնտրում-գտնում, նրանք էլ չեն գա Հայաստան:
Հայրապետյանն առ այսօր էլ պնդում է, որ իրեն միտումնավոր սնանկացնելու ծրագիր է եղել, բայց ինքն օրինական ճանապարհով չի կարողանում արդյունքի հասնել, որովհետեւ օրենքը չի գործում: Իսկ օրենքը չի գործում, որովհետեւ գործում ներգրավված են աշխարհիկ եւ հոգեւոր բարձրաստիճան պաշտոնյաներ»:
Առավել մանրամասն՝ թերթի այսօրվա համարում
