Ինչու է Փաշինյանը շտապում Երևանի քաղաքապետի ընտրության հարցում
Երևանի քաղաքապետի տեղակալ Տիգրան Ավինյանը շարունակում է ամրապնդել դիրքերը։ Այսօր Հրաչյա Սարգսյանը ներկայացրեց հրաժարականի դիմում, Սարգսյանի հետ հեռացան նաև նրա տեղակալները, և Երևանի քաղաքապետի պաշտոնի համար մրցապայքարը մտավ վճռական փուլ։
Երևանի քաղաքապետարանի բյուջեի հաշվին սեփական քարոզարշավն անցկացնող Տիգրան Ավինյանի համար այսպիսով քաղաքապետի պաշտոնն էլ ավելի հասանելի է դառնում, ինչին հասնելու համար է նաև Ավինյանը արմատներ գցում այնպիսի բիզնես ոլորտներում՝ հիմնականում ծառայությունների ոլորտ, որտեղ ներգրավված են մեծ թվով աշխատակիցներ։
Բնականաբար, Ավինյանին ընտրելու համար ընտրությունների ելքի վրա մեծ ազդեցություն են ունենալու մեծ թվով աշխատակիցներ ունեցող ծառայությունների ոլորտները։
Հիշեցնենք, որ Տիգրան Ավինյանի պաշտոնավարումը քաղաքապետի տեղակալի պաշտոնում ապօրինի է, որովհետև Երևան քաղաքում տեղական ինքնակառավարման մասին ՀՀ օրենքի 48-րդ հոդվածի 8-րդ կետի համաձայն՝ քաղաքապետի տեղակալները չեն կարող զբաղվել ձեռնարկատիրական գործունեությամբ, իսկ Ավինյանը Հայաստանի պետական հետաքրքրությունների ֆոնդի տնօրենների խորհրդի նախագահի պաշտոնն է զբաղեցնում։
Բայց ինչո՞ւ է Նիկոլ Փաշինյանն արագացնում Երևանի քաղաքապետի ընտրությունները և չի սպասում մինչև քաղաքապետի հերթական ընտրություններ՝ 2023 թվականի սեպտեմբեր։
Պարզից էլ պարզ է, որ Հայաստանի և Արցախի շուրջ քաղաքական-ռազմաքաղաքական վիճակով պայմանավորված՝ ամեն օր կարող են լինել անակնկալ և բարդ զարգացումներ։
Ադրբեջանի ղեկավարը ոչ միայն խոսում է «Արևմտյան Ադրբեջան», այն է՝ Հայաստանի Հանրապետություն հասնելու մասին և այդ քաղաքականությունը կատարող պետությունից ֆինանսավորվող մարմիններ է ստեղծել իր երկրում, այլ նաև ուժի գործադրմամբ Սյունիքով միջանցք բացելու մասին։
Բանակցային գործընթացը պարզապես մտել է փակուղի։ Հայկական կողմը չի կարողանում որևէ հաջողության հասնել, իսկ Արցախը 3 ամսից ավելի է՝ շրջափակման մեջ է։
Ստեղծված պայմաններում Նիկոլ Փաշինյանին օդի պես անհրաժեշտ է ընտրությունների ելքի վրա մեծ ազդեցություն ունեցող Երևան քաղաքում «իր մարդը» ունենալ, թեև Ավինյանի հետ կապված ունի վերապահումներ, բայց այլ կադր չունի։
Տիգրան Ավինյանին Երևանի քաղաքապետ դարձնելուց հետո ամեն պահի Նիկոլ Փաշինյանը կարող է գնալ Ազգային ժողովը ցրելու և նոր արտահերթ խորհրդարանական ընտրություններ անցկացնելու ճանապարհով, երբ Հայաստանի տարածքից Ադրբեջանին պատերազմով կամ առանց պատերազմ տարածքային զիջումներ անի։
Փորձված մեթոդի համաձայն՝ Ադրբեջանի պահանջները բավարարելուց հետո Փաշինյանը կարող է հրաժարական ներկայացնել վարչապետի պաշտոնից, մնալ վարչապետի ժամանակավոր պաշտոնակատար, մուրճը ձեռքին անցկացնել Ազգային ժողովի ընտրությունների քարոզարշավ, ունենալով Կենտրոնական ընտրական հանձնաժողովում Վահագն Հովակիմյանի պես թիմակից՝ ընտրություններում հաղթել ու արդարացնել Հայաստանի տարածքների հանձնումը Ադրբեջանին։
Այդ ժամանակ ևս Ալիևը կհայտարարի՝ հայ ժողովուրդը հաշտվել է ոչ միայն Արցախի, այլ նաև Հայաստանի տարածքներն Ադրբեջանին հանձնելու հետ, դրա համար է նորից Նիկոլ Փաշինյանին ընտրել իր ղեկավար։
Սա Փաշինյանի սցենարն է՝ սպասվող զիջումներին ընդառաջ։ Ահա, թե ինչու է Երևանի քաղաքապետի պաշտոնն իշխող «Քաղաքացիական պայմանագիր» կուսակցության համար դարձել հրատապ լուծման ենթակա խնդիր։
Ինչպես է երեկ զինվորը կյանքից զրկվել․ նոր մանրամասներ
Կյանքից հեռացած զինծառայող Նարեկ Թորոսյանը Չարենցավանից էր՝ տան միակ որդին
Մի քանի օրից կինոն սկսվելու է. Արթուր Դանիելյան
Մուրացան փողոցից 15-ամյա տղա է տեղափոխվել հիվանդանոց. նոր մանրամասներ զինված միջադեպից
Ովքեր են ՔՊ-ից ինքնաբացարկ են հայտնել. անուններ
Մանկապարտեզի դաստիարակը հարվածել է երեխայի գլխին, որից հետո նրա լացը հարկադրաբար լռեցնելու նպատակով ...
Կրակոցներ՝ Երևանում. կա զոհ. դեպքի վայրում հայտնաբերվել է «Mercedes G» մակնիշի ավտոմեքենա
Նատալյա Ռոտենբերգը հայցադիմում է ներկայացրել դատարան ընդդեմ Տիգրան Արզաքանցյանի որդու
«Զվարթնոց» օդանավակայանում հետախուզման մեջ գտնվողի փոխարեն սխալմամբ ձերբակալել են ՌԴ այլ քաղաքացու և...
Ուկրաինան հայտնել է զոհերի մասին Օդեսայի մարզում՝ ռուսական հարվածների հետևանքով
