Վարչապետի աթոռը մաշեցնող տխրահռչակն է Բերձորի միջանցքի փակման միակ մեղավորը, եթե սրանք մնան իշխանության, ապա կորցնելու ենք նաև Հայաստանը․ ՀՅԴ-ական երիտասարդ

Արդեն 100 օրից ավելի է, որ մեր Արցախը շրջափական մեջ է, 100 օրից ավելի է, որ մեր 120,000 հայրենակիցներ զրկված են առաջին անհրաժեշտության սնունդ, դեղորայք, բուժօգնություն ստանալու հնարավորությունից։ Այս մասին այսօր կառավարության շենքի դիմաց Արցախի բլոկադայի 100 օրվա կապակցությամ տեղի ունեցող բողոքի ակցիայի ժամանակ հայտարարեց ՀՅԴ-ական երիտասարդներից մեկը։ 

«Արդեն ավելի քան 100 օր է, որ մենք զրկված ենք մեր Արցախ, մեր հայրենիք այցելելու հնարավորությունից․ Արցախ, որ մեր հայրենիքն է, մեր արժանապատվությունն ու մեր հպարտությունը։ Ի՞նչ են անում մեր իշխանություննեը՝ իրենց տխրահռչակ ղեկավարի գլխավորությամբ։ Շարունակում են ստել մեզ, շարունակում են թունավորել մեր հասարակությանը կեղծ խաղաղության լոզունգներով, շարունակում են փորձել մեզ վախեցնել մոտալուտ պատերազմի վտանգով, թմրեցնելով մեզ, փորձելով ստիպել մեզ լռել և համակերպվել այս իրականության հետ։ Նպատակը մեկն է՝ Արցախը սկուտեղի վրա հանձնել մեր թշնամիներին և մեր ավելի քան 120․000 հայրենակիցներին թողնել բախտի քմահաճույքին, թշնամու առաջ միայնակ։ Մենք այստեղ ենք փաստելու, որ Արցախն ու արցախցին միայնակ չեն, որ մենք չենք համակերպվել, չենք համակերպվելու և չենք լռելու։ Արցախը չի եղել և չի լինելու Ադրբեջանի կազմում»,- ասաց երիտասարդ ակտիվիստը։

Նա իր խոսքում մեղադրեց իշխող կուսակցությանն ու դրա ղեկավարին։ 

«Հենց այս շենքում նստած անձինք են, հենց այս շենքում նստած՝ վարչապետի աթոռը մաշեցնող տխրահռչակն է Բերձորի միջանցքի փակման միակ մեղավորը և պատասախանատուն։ ՔՊ-ն է չարիքը, ՔՊ-ն է վտանգը, ՔՊ-ն է պատերազմը։ Եթե սրանք մնան իշխանության, ապա կորցնելու ենք ոչ միայն Արցախը, այլ նաև Հայաստանը։ Նիկոլն էլ դավաճան է, Նիկոլն է չարիքը, Նիկոլն է պատերազմը»,- եզրափակեց ՀՅԴ-ական երիտասարդը։