Ինչո՞ւ Փաշինյանն Օնիկ Գասպարյանին հիշեց Սերժ Սարգսյանի բացահայտումից հետո
Հայաստանի վարչապետ աշխատող Նիկոլ Փաշինյանին շարունակում է հանգիստ չտալ արցախյան վերջին պատերազմում իր կրած ջախջախիչ պարտությունը, Արցախի տարածքները թշնամուն թղթով և ոչ թե կրակոցով հանձնելու իր որոշումը։
Փաշինյանն այս երկու տարիների ընթացքում հնարավոր և անհնար ամեն ինչ արել է, մեղադրել բոլորին իր ձախողումների համար, բայց որպեսզի իր ընտրազանգվածին հիմա շարունակի տալ կերակրվելու նյութ, պետք է պատերազմի պարտության մեղքը գցի կոնկրետ զինվորականների գրպանը և դա անի հենց զինվորականների ձեռամբ։
Վերջերս հանրապետության 3-րդ նախագահ Սերժ Սարգսյանը հայտարարեց, որ 44-օրյա պատերազմի ժամանակ հայկական բանակն օգտագործել է իր ունեցածի ընդամենը 50 տոկոսը։
«Բա մյուս 50 տոկոսն ինչո՞ւ չենք օգտագործել»,- հարցրել էր Սերժ Սարգսյանը։
Նիկոլ Փաշինյանը Սերժ Սարգսյանի հարցին իբրև թե պատասխանել է իր ասուլիսի ժամանակ և տվել ծիծաղելի պատասխան, թե կամավորներ են Հայաստանից գնացել։
Փաշինյանը սա ասել է՝ քաջ գիտակցելով, որ Սերժ Սարգսյանը խոսում է ոչ թե կամավորների, այլ զորքի և զինտեխնիկայի մասին։
Սերժ Սարգսյանն իր այս հայտարարությամբ Փաշինյանին կանգնեցրել է դավաճանության պատի տակ, և որպեսզի ինքը՝ Փաշինյանը դուրս գա այս վիճակից, ակտիվացրել է իր նշանակած, ապա խայտառակ ձևով աշխատանքից ազատած, Շուշին հանձնելու համար իր կողմից պատասխանատու կարգված Օնիկ Գասպարյանին։
Սերժ Սարգսյանին պատասխանելու բեռը Նիկոլ Փաշինյանը դրել է Օնիկ Գասպարյանի՝ մի զինվորականի վրա, ով կուլ տվեց մի դասալիքի կողմից իր հասցեին ասված ամենաանպատիվ բառերը։
Սերժ Սարգսյանին պատասխանելու բեռը Փաշինյանը դրել է մի նախկին Գլխավոր շտաբի պետի վրա, ով կալանավորվելու ահից ծպտված՝ պահպանում է լռություն անգամ այն դեպքում, երբ կալանավորվել է իր ենթակայությամբ ծառայած զինվորական Գրիգորի Խաչատուրովը։
Ո՞վ, եթե ոչ Օնիկ Գասպարյանը կարող է լինել հենց այն մարդը, ով իշխանության թելադրանքով կփորձի հերքել Սերժ Սարգսյանի ասածները, ինչն էլ, ըստ Անդրանիկ Քոչարյանի, Գասպարյանն արել է ԱԺ Պաշտպանության և անվտանգության հարցերի մշտական հանձնաժողովում 11 ժամ հարցաքննվելով։
Խիստ փոխըմբռնման մթնոլորտում Անդրանիկ Քոչարյանի հետ Օնիկ Գասպարյանի 11 ժամանոց հանդիպումից հետո, ըստ Քոչարյանի, Օնիկը տվել է իշխանության բոլոր հարցերի պատասխանները, այդ թվում՝ Սերժ Սարգսյանի ասածների մասով։
«Կարող եմ արձանագրել, որ Սերժ Սարգսյանի ասածը չի համապատասխանում իրականությանը»,- Օնիկ Գասպարյանի հետ հանդիպումից հետո ասել է Անդրանիկ Քոչարյանը՝ շռայլելով գովեստի խոսքեր Գասպարյանի հասցեին։
Ինչ վերջաբան կունենա Անդրանիկ Քոչարյանի կողմից լավագույն զինվորականի որակում ստացած, ինքն իրեն կերտած Օնիկ Գասպարյանը, հայտնի է շատերին։ Պարզ է, որ Գասպարյանին փշի-փշի անող իշխանությունն Օնիկ Գասպարյանի ծառայություններից օգտվելուց հետո, նրան կբանտարկի՝ ինչպես լռելու, այնպես էլ բոլորին ծառայելու գասպարյանական պատրաստակամության համար։
Ինչպես է երեկ զինվորը կյանքից զրկվել․ նոր մանրամասներ
Կյանքից հեռացած զինծառայող Նարեկ Թորոսյանը Չարենցավանից էր՝ տան միակ որդին
Մի քանի օրից կինոն սկսվելու է. Արթուր Դանիելյան
Մուրացան փողոցից 15-ամյա տղա է տեղափոխվել հիվանդանոց. նոր մանրամասներ զինված միջադեպից
Ովքեր են ՔՊ-ից ինքնաբացարկ են հայտնել. անուններ
Մանկապարտեզի դաստիարակը հարվածել է երեխայի գլխին, որից հետո նրա լացը հարկադրաբար լռեցնելու նպատակով ...
Կրակոցներ՝ Երևանում. կա զոհ. դեպքի վայրում հայտնաբերվել է «Mercedes G» մակնիշի ավտոմեքենա
Նատալյա Ռոտենբերգը հայցադիմում է ներկայացրել դատարան ընդդեմ Տիգրան Արզաքանցյանի որդու
«Զվարթնոց» օդանավակայանում հետախուզման մեջ գտնվողի փոխարեն սխալմամբ ձերբակալել են ՌԴ այլ քաղաքացու և...
Ուկրաինան հայտնել է զոհերի մասին Օդեսայի մարզում՝ ռուսական հարվածների հետևանքով
