Փաշինյանը պարգևատրում է Գագիկ Մելքոնյանին՝ Պուտինի դեմ խոսելու համար. որդին պաշտոն է ստացել, թոռան խափանման միջոցն էլ վերացվել է
Երեկ հայտնի դարձավ, որ ՔՊ-ականների շարքում «ամենաանհայրենիք» տիտղոսին հավանաբար ամենաարժանի պատգամավոր Գուրգեն Մելքոնյանի որդին՝ Արմանը, պաշտոնեական առաջընթաց է ապահովել. նա «Արթիկ» ՔԿՀ-ի պետի պաշտոնից մայրաքաղաք է տեղափոխվել ու նշանակվել է «Երևան-Կենտրոն» ՔԿՀ-ի պետի պաշտոնում:
Մելքոնյան Գագիկի սիլի-բիլիները Փաշինյան Նիկոլին հենց այնպես չեն անցել. իր գնացքն արդեն անցել է, կարևորը՝ որդու փորը կուշտ լինի:
Մեր տեղեկություններով՝ Փաշինյան Նիկոլը Մելքոնյան Արմանին սիրուն աչքերի համար չէ, որ «պարգևատրել է». գինը եղել է ՌԴ նախագահ Վլադիմիր Պուտինի աչքը ՀՀ-ում իշխող կուսակցության անունից վախեցնելը, թե՝ չգաս Հայաստան, կձերբակալենք: Ու ոչ միայն այդ հայտարարությունը, գումարած՝ հակարցախյան, հակահայկական և հակառուսական հայտարարությունները:
Բայց այս ընտանիքի՝ ոչ մի լավ բանով աչքի չընկնելը սրանով չի սահմանափակվում. Արման Մելքոնյանի, որի հայրը, կրկնենք՝ «Արցախը կորցնես լա՞վ ա, թե՞ Հայաստանը» ստորագույն մտքի հեղինակն է, բախտը միայն հոր հարցում չէ, որ չի բերել:
Մելքոնյան ընտանիքի «արժանի» զավակ, Արմանի որդի Վազգենն էլ հայրենասիրությամբ չի փայլում, փոխարենը փայլել է իր վերադասին խմբով ծեծելով:
Խոսքը 2020 թվականի մասին է, երբ Մելքոնյանն ընդամենը շարքային նախկին էր, և Ազգային ժողովի պատգամավորի մանդատ չուներ: Դրանից հետո, իհարկե, «հրաշքներ» տեղի ունեցան, պապն օգնեց կապիտուլյացիա ստորագրածին, լվաց նրա երեսը՝ սեփականը ցեխոտելով, և Վազգենի քրեական հետապնդումն էլ դադարեցվեց, խափանման միջոցն էլ վերացվեց:
Վազգեն Մելքոնյանին մեղադրանք էր առաջադրվել այն բանի համար, որ նա, հանդիսանալով պարտադիր ժամկետային զինծառայող, կոչումով շարքային, 2020թ.-ի մայիսի 30-ին՝ ժամը 17:00-ի սահմաններում, կապիտան Թ. Հարությունյանի կողմից նույն օրը, ժամը 12:00-ի սահմաններում, պարտադիր ժամկետային զինծառայող, շարքային Մհեր Միրաքյանին հրելու համար պարզաբանումներ է կատարել կապիտան Թևոս Հարությունյանի հետ, որի ընթացքում վերջինիս կողմից Մհեր Միրաքյանին հրելու հանգամանքը հերքելու և այդ կերպ իրեն խաբելու պատճառով, զինվորական ծառայության պարտականությունները կատարելու հետ չկապված հանգամանքներում, շարքային Մհեր Միրաքյանի հետ միասին՝ խմբով, ծեծել է իր նկատմամբ պետ հանդիսացող կապիտան Թևոս Հարությունյանին՝ պատճառելով ֆիզիկական ցավ:
Արդեն պատերազմից հետո, 2022 թվականի հոկտեմբերի 20-ին, երբ Վազգենի ընկեր Մհերին, որը դարձել էր միջադեպի սկզբնաղբյուր՝ օրապահի կողապահարանի մոտ չկանգնելու պատճառով, ենթադրաբար ծեծի ենթարկած փոխգնդապետն արիաբար զոհվել էր պատերազմում, իսկ Մելքոնյան Գագիկն արդեն պատգամավոր էր, Արմանը՝ ՔԿՀ-ի պետ, տուժող Թևոս Վաչագանի Հարությունյանը դիմում է ուղարկում դատարան: Նա հայտնում է, որ ամբաստանյալներ Վազգեն Արմանի Մելքոնյանի և Մհեր Արամի Միրաքյանի հետ հաշտվել է, նրանց դեմ որևէ բողոք ու պահանջ չունի և չի առարկում հաշտության հիմքով քրեական հետապնդումը դադարեցնելու և քրեական գործով վարույթը կարճելու դեմ։
2 տարի անց է միայն սպան հասկանում, որ պետք է հաշտվել Մելքոնյանների և Միրաքյանների հետ ու ընդհանուր ուժերով ջրել գործը: Շա՜տ հուզիչ է, ի՞նչ խոսք:
Հուզիչ է հատկապես, երբ պոտենցիալ հանցագործը կարող է մի օր էլ հայտնվել «КГБ-ի подвал»-ում՝ հայրիկի հովանու ներքո...
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
Էրեբունիում հայրը փորձել է բռնաբարել դստերը. «Հրապարակ»
Կյանքից հեռացել է «Նաիրի» ԲԿ ֆիզիոթերապիայի բաժնի ղեկավար Անահիտ Հասրաթյանը
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Զnhված տղաների шրյшն հոտը վերցրել էր ողջ քաղաքը. 19.09.2023. հիշում է՝ արgախgի Նանար Պողոսյանը
Հայաստանի բնակիչը հացադուլ է հայտարարել՝ Մոսկվայից պահանջելով վերադարձնել իր 3 երեխաներին
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
Մահացել է Մակրոնի կնոջը տղամարդ անվանած լրագրողուհին
