Թուրքը երբեք չի գալիս մեզ հետ ապրելու, թուրքը գալիս է մեր տներում մեր փոխարեն ապրելու․ Նաիրա Մելիքյան

Մենք այստեղ ենք նույն օրակարգով՝ մեր երկրի, մեր պետության, մեր ժողովրդի փրկության համար, այս թուրքակենտրոն, պետականասպան խունտայի հեռացման պահանջով։ Այս մասին «Միասին» շարժման հրավիրած հավաքի ժամանակ ասաց 44-օրյա պատերազմում զոհված Հայկ Մելիքյանի մայրը՝ Նաիրա Մելիքյանը, ով վերջերս է վերադարձել Սյունիքից։ 

«Թուրքը երբեք չի գալիս մեզ հետ ապրելու, թուրքը գալիս է մեր տներում, մեր հողում մեր փոխարեն ապրելու»,- ասաց հերոսի մայրը։ 

Նա նշեց, որ իշխանությունը զբաղված է բռնաճնշումներով։ 

«Խաչատուրովին են ձերբակալում՝ մեր միակ ազնիվ գեներալին, զբաղված են թշնամանք տարածելով, թե՛ երկրի ներսում, թե՛ մեր սահմաններից դուրս մեր դաշնակից բարեկամ երկու պետությունների՝ Ռուսաստանի և Իրանի նկատմամբ։ Ես ուզում եմ մեր ռուս եղբայրներին այս հարթակից հայտարարել, որ այն, ինչ որ անում են էս շները, սա մեր ժողովրդի ընտրությունը չի, մեր դիրքորոշումը չի, մենք դարերով եղել ենք իրար հետ, դուք մեզ պետք եք, մենք էլ ձեզ ենք պետք։ Այսօր սետղծված այս խայտառակ իրավիճակում, երբ այս կոյուղային կենտրոններն ամեն բան անում են, որ ոչնչացնեն մեզ, մենք, սիրելի ռուսներ, պիտի միասնական լինենք, իրար թիկունք դառնանք։ Այս խայտառակ հակառուսականությունը հետապնդում է այն նպատակը, որ հասնենք 90-ականներ, որպեսզի թշնամանքը հասնի այն աստիճանի, որ սահմանները փակվեն, որ ատոմակայանը կանգնի, որ առաջանա էներգետիկ ճգնաժամ, որպեսզի այս քանդված բանակի պայմաններում մեզ նորից պարտադրվի պատերազմ և մեզ ցեղասպանեն»,- ասաց զոհվածի ծնողը։