Չեն գա, բանտ կուղարկենք. ի՞նչ է մտածել Քոչարյան Անդրանիկը
Այսօր ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանի, Քննչական կոմիտեի, Ազգային անվտանգության ծառայության, Հակակոռուպցիոն կոմիտեի պաշտոնյաների մասնակցությամբ տեղի է ունեցել աշխատանքային նիստը, որի օրակարգում էր ԱԺ կանոնակարգ սահմանադրական օրենքում և Քրեական օրենսգրքում փոփոխություններ և լրացումներ կատարելու մասին նախագծերը։
Իշխանությունն առաջարկում է այս օրենքները փոխել այնպես, որ Անդրանիկ Քոչարյանի ղեկավարած Քննիչ հանձնաժողով չներկայանալը կամ տեղեկություններ չհայտնելու հանգամանքները այսուհետ համարվեն քրեորեն պատժելի արարքներ։
Անշուշտ, իր աստեղային ժամն ապրող Անդրանիկ Քոչարյանին մեծ բավականություն կպատճառի հերթական անգամ ԱԺ միջանցքներում հայտարարելը, թե իր ղեկավարած հանձնաժողովին տեղեկություն չտրամադրելու համար ծանուցագիր ստացած այս կամ այն նախկին պաշտոնյան կալանավորվել է, ինչը կհամարի իր գլխավոր ձեռքբերումը, քանի որ այլ ձեռքբերում չունի։
Իրականում, եթե զուտ Քոչարյանի էժանագին փիարը դնենք մի կողմ, կհասկանանք, որ գործ ունենք անճարությունից իրեն պատեպատ տվողների մի խունտայի հետ, որը ստիպված է գործի դնել մարդկանց բանտելու արատավոր պրատիկան՝ գոնե աշխատանքի իմիտացիա ապահովելու համար։
Ինչպես որ հանցագործը չի կարող քննել սեփական հանցագործությունը, այնպես էլ պատերազմում ռազմական և դիվանագիտական ջախջախիչ պարտություն կրած իշխանությունը չի կարող բացահայտել այդ պարտության պատճառները։
Փաստ է, որ Անդրանիկ Քոչարյանը չի կարող պարզել մի պատերազմի պարտության հանգամանք, որը տեղի է ունեցել իր անմիջական ղեկավարի՝ Նիկոլ Փաշինյանի կողմից ընդունված որոշումների հետևանքով։
44 օր շարունակ «հաղթելու ենք» կոչերով, բայց իրականում երկիրը ռազմական ռելսերի վրա չդրած և թուրք-ադրբեջանական բանակների դեմ կամավորների ուղարկած Նիկոլ Փաշինյանի իշխանությունը ունակ չէ բացահայտել սեփական սխալների հետևանքները, հայտարարել, որ իր սխալի արդյունքում են հազարավոր հայորդիներ դարձել նահատակ, իսկ Արցախի տասնյակ հազար քառակուսի կիլոմետրերը՝ հանձնվել Ադրբեջանին։
Փաշինյանի իշխանության դեպքում ցանկացած հանձնաժողովի աշխատանք ինքնախաբեություն է, հատկապես որ նրա կինը Ալիևի պես Հայաստանի պարտության պատասխանատու է համարում 11 հազար դասալիքի՝ չունենալով դրա ապացույցները։
Հաշվի առնելով սա՝ պարզ է դառնում, որ օրենքներում փոփոխություններ անելու ցանկությամբ Անդրանիկ Քոչարյանն ու նրա ղեկավարը իրենց ընտրազանգվածի համար տեսարաններ ապահովելու խնդիր են լուծում և ոչ ավելին։
Պատահական չէ, որ քրեական հետապնդումներն ու կալանքներն են մնացել այս իշխանության ձեռքում՝ որպես ամենաաշխատող մեխանիզմ բռնատիրությամբ երկիրը կառավարելու համար։
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
Էրեբունիում հայրը փորձել է բռնաբարել դստերը. «Հրապարակ»
Կյանքից հեռացել է «Նաիրի» ԲԿ ֆիզիոթերապիայի բաժնի ղեկավար Անահիտ Հասրաթյանը
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Զnhված տղաների шրյшն հոտը վերցրել էր ողջ քաղաքը. 19.09.2023. հիշում է՝ արgախgի Նանար Պողոսյանը
Հայաստանի բնակիչը հացադուլ է հայտարարել՝ Մոսկվայից պահանջելով վերադարձնել իր 3 երեխաներին
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
Մահացել է Մակրոնի կնոջը տղամարդ անվանած լրագրողուհին
