«Որևէ լուրջ խնդիր չկա». Արեյանը` Դալմայի այգիներով նոր գազատարներ անցկացնելու մասին
Երևանի քաղաքապետարանի և մասնավոր ընկերության համատեղ ծրագրով իարկանացվող նոր գազատարների կառուցման հետ կապված խնդիր է առաջացել։ Այս մասին քաղաքապետարանի գործավարական նիստում տեղեկացրեց քաղաքապետի խորհրդական Կամո Արեյանը։
Նա մանրամասնեց, որ գրունտային հատվածով խողովակաշարը պետք է անցներ Դալմայի այգիների վարձակալների տարածքների մասով։ Ըստ Արեյանի` փոքր խնդիր է առաջaցել վարձակալների հետ։
«2 վարձակալի հետ խնդիր է առաջացել, բայց ժամանակվոր լուծումը գտնվել է»-ասաց Արեյանը` չմանրամասնելով, թե կոնկրետ ինչ ժամանակովոր լուծման մասին է խոսքը։ Նա միայն հայտնեց, որ այսօր` ապրիլի 10-ին, մինչև օրվա վերջ վերջնական լուծումը կգտնվի։
Ավինյանը հետաքրքվեց, թե վարձակալների ժամկետը երբ է ավարտվում։ Արեյանն էլ նշեց, որ մինչև 10 տարի ժամկետ է, սակայն հարցն այն է, թե նրանցից ովքեր, երբ և որքան են երկարաձգել այդ ժամկետը։
«Պետք է գտնել հատված, որ որևէ մեկին չխանգարի ու չվնասի ծածկույթը»,–ասաց Արեյանը և հավելեց, որ որևէ լուրջ խնդիր չկա:
