Քանդել երկիրը ներսից, թշնամուն մատուցել սկուտեղի վրա
Ադրբեջանը պլանավորում է հարձակում սկսել Հայաստանի սահմանների ուղղությամբ (զորավարժություններից կադրերը՝ այստեղ):
Տեղ համայնքում օրեր առաջ տեղի ունեցածը, ինչին զոհ գնաց 4 հայ զինծառայող, պատահական դիրքային տեղաշարժի հետևանք չէր։ Դա ռազմական գործողություններ սկսելուց առաջ իրավիճակը սրող քայլ էր, որին գնաց Ադրբեջանը, ինչից հետո Ադրբեջանի արտգործնախարար Բայրամովը հայտարարեց, թե Հայաստանի և Ադրբեջանի միջև բանակցություններն ավարտված են։
Հայտնի է մի պարզ ճշմարտություն՝ բանակցությունների դադարեցումը հող է նախապատրաստում պատերազմի համար։
Ի՞նչ կաներ պատերազմի պատրաստվող ցանկացած երկրի իշխանություն՝ կուժեղացներ իր բանակը, իսկ ի՞նչ է անում Հայաստանի իշխանությունը՝ հարվածում է սեփական երկրի անվտանգությունն ապահովող միակ կառույցին՝ բանակին։
Բանակին հարվածում է ամենաստորին օղակում գտնվող ՔՊ-ականից մինչև Փաշինյան։
Հարվածողներից մեկը ՔՊ-ական ականջ ու ձեռք կտրող Արթուր Հովհաննիսյանն է։
Նա այսօր ընդդիմությունը մեղադրել է Ադրբեջանին սկուտեղի վրա ինչ-որ բան մատուցելու մեջ։
«Սա ընդդիմության էության հերթական բացահայտումն է, որովհետև երեկվա փակ հանդիպման ընթացքում ընդդիմության համար ակնհայտ է եղել, թե ինչպես են տեղի ունեցել Տեղ համայնքի դեպքերը ու, որ սա ակնհայտոորեն Ադրբեջանի հերթական սադրանքն է ՀՀ սուվերեն տարածքի նկատմամբ։ Այս դեպքում ՀՀ-ում գտնվող որևէ սուբյեկտ, առավել ևս ԱԺ պատգամավոր, ոչ թե հասցեական ասում է, որ սադրանքը տեղի է ունեցել Ադրբեջանի կողմից, այլ սկուտեղի վրա Ադրբեջանին թեզ մատուցում, ըստ որի Հայաստանի քաղաքական ղեկավարությունն է մեղավոր։ Այստեղ մենք գործ ունենք «5-րդ շարասյան» գործելաոճի հետ»,- ասել է ընդդիմության ասածներն ընկալելու խնդիրներ ցուցաբերած սույն պատգամավորը։
Ընդդիմությունը, այո՛, մեղադրում է ՀՀ իշխանությանը։ Մեղադրում է հայի արյուն թափելու համար նախադրյալներ ստեղծելու համար, իսկ որ նախադրյալներն իրենք են ստեղծել, խոստովանել են հենց իշխանության տարբեր կալիբրի պաշտոնյաներ՝ ընդունելով, որ թերացումը եղել է հայկական կողմինը։
Ընդդիմության փոխարեն Ադրբեջանին սկուտեղի վրա Հայաստանն են մատուցում նույն արթուրհովաննիսյաններն ու նրա վերադասը՝ պատերազմին ընդառաջ հայտարարելով Հայաստանի բանակում 5-րդ շարասյան գործելու մասին։
Հատուկ արթուրհովհաննիսյանականների համար ևս մեկ անգամ ներկայացնենք, թե ինչ է նշանակում «5-րդ շարասյուն»։
«Հինգերորդ շարասյունը» գեներալ Ֆրանկոյի գործակալության անվանումն է, որը գործել է Իսպանիայում 1939-ի Ազգային-հեղափոխական պատերազմի ժամանակ։
«Հինգերորդ շարասյուն» տերմինն առաջացել Է 1936 թվականի հոկտեմբերին, երբ ֆաշիստական խռովարարները չորս շարասյուներով հարձակվում Էին Մադրիդի վրա, իսկ հինգերորդը գործում էր հենց Մադրիդ քաղաքի ներսում ու հարվածում թիկունքից։ «Հինգերորդ շարասյունը» շփոթություն Էր տարածում երկրի ներսում։
Հիմա նույնը տեղայնացնենք 2023 թվականի Հայաստանի վրա։ Ադրբեջանցիները ներխուժել են Հայաստանի սուվերեն տարածք, գրավել բարձրադիր դիրքեր, պատրաստվում են պատեազմի, իսկ Հայաստանի վարչապետը և նրա ենթակայությամբ գործողները միաբերան խոսում են բանակը նվաստացող շարասյան մասին՝ ջլատելով երկրի դիմադրողականությունը հենց երկրի ներսից և խուճապ տարածելով երկրում։
Այսքանից հետո արդյոք պարզ չէ՞, թե ով է այդ հանցավոր շարասյունը, որը քանդում է երկիրը՝ ներսից։
Ստեփանավանի քաղաքապետը տունը կառուցելուց հետո հյուրանոց է սարքում. «Ժողովուրդ»
Ինչպես է երեկ զինվորը կյանքից զրկվել․ նոր մանրամասներ
Կյանքից հեռացած զինծառայող Նարեկ Թորոսյանը Չարենցավանից էր՝ տան միակ որդին
Մի քանի օրից կինոն սկսվելու է. Արթուր Դանիելյան
Մուրացան փողոցից 15-ամյա տղա է տեղափոխվել հիվանդանոց. նոր մանրամասներ զինված միջադեպից
Ովքեր են ՔՊ-ից ինքնաբացարկ են հայտնել. անուններ
Մանկապարտեզի դաստիարակը հարվածել է երեխայի գլխին, որից հետո նրա լացը հարկադրաբար լռեցնելու նպատակով ...
Կրակոցներ՝ Երևանում. կա զոհ. դեպքի վայրում հայտնաբերվել է «Mercedes G» մակնիշի ավտոմեքենա
Նատալյա Ռոտենբերգը հայցադիմում է ներկայացրել դատարան ընդդեմ Տիգրան Արզաքանցյանի որդու
«Զվարթնոց» օդանավակայանում հետախուզման մեջ գտնվողի փոխարեն սխալմամբ ձերբակալել են ՌԴ այլ քաղաքացու և...
