ՔՈՎԻԴ-ի գործով ձերբակալված 10 բժիշկ ազատ է արձակվել
ՔՊ-ական Արսեն Թորոսյանի առողջապահության նախարար եղած ժամանակ կորոնովիրուսի համավարակի շրջանում չարաշահումներ կատարելու գործով «Մեդլայն»-ի ձերբակալված 10 բժիշկ ազատ է արձակվել։ Քննչական մարմինը նրանց կալանավորելու միջնորդություն չի ներկայացրել։
Հիշեցնենք, որ ավելի վաղ դատարանը բավարարել էր «Մեդլայն կլինիկ» ԲԿ փոխտնօրեն, նախկինում ավագ բուժքույր Լիլյա Հովակիմյանի նկատմամբ կալանքը որպես խափանման միջոց ընտրելու վերաբերյալ Հակակոռուպցիոն կոմիտեի ներկայացրած միջնորդությունը։
Այդ գործով կալանավորված է նաև նույն կլինիկայի տնօրեն Բաբկեն Շահումյանը ու Երևանի փոխքաղաքապետ, նախկինում Արսեն Թորոսյանի տեղակալ Գևորգ Սիմոնյանը։
Դատարանը խափանման այլընտրանքային միջոց՝ տնային կալանք է կիրառել «Թոքաբանության ազգային կենտրոն» ՓԲ ընկերության դեղակայուն բաժանմունքի վարիչ Լուսինե Եղիազարյանի նկատմամբ, որը, ըստ մամուլի հրապարակումների, առողջապահության նախարարի պաշտոնը զբաղեցնող Անահիտ Ավանեսյանի ընկերուհին է։
Մամուլը գրել էր, որ այս գործով ձերբակալություններն առաջիկայում հասնելու են առողջապահության նախարարություն։
Հակակոռուպցիոն կոմիտեից սրա վերաբերյալ Panorama.am-ին որևէ մեկնաբանություն չտվեցին։ Ընդհանրապես, այս գործին կոմիտեն փորձում է հանրային հնչեղություն չտալ։ Պատճառներից մեկն էլ կարող է լինել իշխանության մաս կազմող գործիչների հովանավորչությունը։
Հիշեցնենք, որ մարտի 10-ին կոմիտեն տարածեց հաղորդագրություն, ըստ որի, քննվող քրեական վարույթով կատարված նախաքննությամբ փաստական տվյալներ են ձեռք բերվել այն մասին, որ Երևանի փոխքաղաքապետ Գ. Սիմոնյանը, 2020-2022թթ. ընթացքում զբաղեցնելով ՀՀ առողջապահության նախարարի տեղակալի պաշտոնը, անձնական շահագրգռվածությունից ելնելով չի կատարել իր ծառայողական պարտականությունները, որի հետևանքով էական վնաս է պատճառվել պետության օրինական շահերին:
Ըստ կոմիտեի, ներկայացված կեղծ հաշվետվությունների հիման վրա «ՀՀ-ում նոր կորոնավիրուսային վարակի (Covid-19) կանխարգելման, վերահսկման, բուժման այլ համալիր միջոցառումների» ծրագրի ֆինանսական միջոցներից «Մեդլայն Կլինիկ» ՍՊ ընկերությանը անհիմն, փաստացի չմատուցված ծառայությունների դիմաց փոխանցվել է առանձնապես խոշոր չափերի՝ 119.005.000 ՀՀ դրամ:
Ստեփանավանի քաղաքապետը տունը կառուցելուց հետո հյուրանոց է սարքում. «Ժողովուրդ»
Ինչպես է երեկ զինվորը կյանքից զրկվել․ նոր մանրամասներ
Կյանքից հեռացած զինծառայող Նարեկ Թորոսյանը Չարենցավանից էր՝ տան միակ որդին
Մի քանի օրից կինոն սկսվելու է. Արթուր Դանիելյան
Մուրացան փողոցից 15-ամյա տղա է տեղափոխվել հիվանդանոց. նոր մանրամասներ զինված միջադեպից
Ովքեր են ՔՊ-ից ինքնաբացարկ են հայտնել. անուններ
Մանկապարտեզի դաստիարակը հարվածել է երեխայի գլխին, որից հետո նրա լացը հարկադրաբար լռեցնելու նպատակով ...
Կրակոցներ՝ Երևանում. կա զոհ. դեպքի վայրում հայտնաբերվել է «Mercedes G» մակնիշի ավտոմեքենա
Նատալյա Ռոտենբերգը հայցադիմում է ներկայացրել դատարան ընդդեմ Տիգրան Արզաքանցյանի որդու
«Զվարթնոց» օդանավակայանում հետախուզման մեջ գտնվողի փոխարեն սխալմամբ ձերբակալել են ՌԴ այլ քաղաքացու և...
