Ադրբեջանի հետ ինտեգրացման մասին խոսելը հանցագործություն ա, խոսողին պիտի դատել․ Բաբայան

Ադրբեջանը անկեղծ չի, ղարաբաղյան կողմն էլ պետք է հստակեցնի բանակցությունների թեման։ Այդ մասին Հանրայինի հարցազրույցում ասել է Արցախի ԱԽ նախկին քարտուղար Սամվել Բաբայանը։

«Առաջարկել էի արցախյան կողմը ձևակերպեր բոլոր կետերը, որ փոխվստահություն կներչնչեր երկու կողմին էլ, Արցախից արձագանք չկա, Ալիևն է Արցախի հետ վերջնագրով է խոսում,- ընդգծել է նա։

Հարցին՝ Ադրբեջանի հետ ինտեգրացիոն գործընթաց հնարավո՞ր է․ Բաբայանը պատասխանել է․

«Արցախի ժողովուրդը անկախության հռչակագիր ունի, որևիցե մեկին Արցախի ժողովուրդը չի տվել լիազորություն, որ գնան-բանակցեն այլ կոնտեքստում։ Երեսուն տարին բանակցում են գաղտնի, իրականության հետ չհամապատասխանող, ժողովրդից մանդատ եք ստացել, պիտի անկեղծ լինեք։ Ինտեգրացման մասին խոսելը հանցագործություն ա, պիտի խոսողին դատել»,- նշել է նա։

Հարցին՝ ինչ կարգավիճակ է պատկերացնում Բաբայանը Արցախի համար, և արդյո՞ք Արցախում պատրա՞ստ են պատերազմի, նա պատասանել է․ «Մենք պատրաստ ենք ամեն ինչի և պատրաստվելու ենք։ Պետք է հանրաքվե անցկացնել Արցախի ժողովրդի շրջանում, ստանալ մանդատը՝ նոր գնալ բանակցությունների․

«Մենք պարտվել ենք մեր մեղքով, այլ ոչ որ Ադրբեջանը ուժեղ է եղել։
Մենք ցանկացած խնդիր լուծելու ենք, եթե Ադրբեջանը ցանկանում է իրոք բանակցություններ, պետք է օրակարգ հստակեցնել՝ ինչ քայլերով ենք գնում և ինչի մասին ենք խոսում»։

ԱԽ նախկին քարտուղարը նշում է նաև, որր Արցախը պետք է պաշտպանված լինի բացարձակապես իր ուժերով, իր բանակով․ «Ինչ կարգավիճակ կստանա՝ անկախ, լրիվ անկախ, Արցախը պիտի ունենա իր պաշտպանությունը»։