ՔՊ-ն ահից կորցրել է ինքնատիրապետումը

«Քաղաքացիական պայմանագիր» կուսակցությունը գնալով կորցնում է ինքնատիրապետումը։ Մի դեպքում այդ կուսակցության անդամը թքում է քաղաքացու դեմքին, մյուս դեպքում՝ չպատժվելու արդյունքում նաև Ազգային ժողովում բղավում, որ եթե պետք լինի, նորից կթքի։

Խոսքը Ալեն Սիմոնյանի մասին է, ով պատրաստ է թքել ընդդիմադիր պատգամավորների երեսներին միայն մի բանի համար, որ նրանք իրացնելով իրենց իրավունքը՝ որոշել էին մի ակցիա անցկացնել Ազգային ժողովի ամբիոնի մոտ։

Ակցիան անողը ԱԺ անկախ պատգամավոր Թագուհի Թովմասյանը իր ելույթում հայտարարեց, որ ելույթը ավարտելուց հետո մնալու է ԱԺ ամբիոնի մոտ, չի պատրաստվում հեռանալ, չի պատրատստվում հանդուրժել Փաշինյանի ստերը, հայտարարեց, որ բարոյականության մասին խոսել չի կարող մի իշխանություն, որը միայն ստել գիտե։

Ընդդիմադիր ցանկացած պատգամավոր կարող է իրականացնել նմանատիպ ակցիա, ինչը արել են նաև այսօրվա իշխանավորները, երբ զբաղվում էին ընդդիամադիր գործունեությամբ և նրանց ակցիաների ժամանակ Ազգային ժողովը չի վերածվել մարտադաշտի։ Ազգային ժողովի ոչ մի նախագահ կամ փոխնախագահ հրահանգ չի տվել անվտանգության աշխատողներով հեղեղել խորհրդարանը։

Խորքում, ինչի մասին է վկայում «Քաղաքացիական պայմանագիր» կուսակցության այս անհավասարակշիռ վարքագիծը. մեկ թքում են, մեկ կտրում, շրջում բազմաթիվ անվտանգության աշխատակիցներով, ոստիկականական զորքերի թիկունքում թաքնված, արագ լարվում, բռնկվում, տարածում ատելություն, ուրանում Արցախը։

Այս բոլոր գործողությունների համակցումը խոսում է մի բանի մասին՝ Հայաստանի վարչապետի կոկորդին Ալիևը գցել է պարան, ինչը ամեն օր ավելի է ձգում՝ պահանջելով տարածքներ Հայաստանից։ Ալիևը Փաշինյանին ամեն օր հասկացնում է, որ Արցախով չի բավարարվելու և գալու է Հայաստանի հետևից, այն Հայաստանի, որի կառավարումը հանձնված է Փաշինյանին։

                                                      NEWSPRESS.am