Երևանում աղմկահարույց ծեծկռտուքի՝ փախուստի դիմած հիմնական մասնակիցներից 3-ը հայտնաբերվել են

Օպերատիվ հետախուզական միջոցառումների արդյունքում հայտնաբերվել և Ոստիկանության Մաշտոցի բաժին են տեղափոխվել Երևանի բնակիչներ 22-ամյա Միքայել Խաչատրյանին, 23-ամյա Սերգեյ Խաչատրյանին և 23-ամյա Էրիկ Պողոսյանին։ Վերջիններս ապրիլի 16-ին «Մի կաթիլ մեղրի» պատմություն հիշեցնող ծեծկռտուք-վիճաբանության գլխավոր մասնակիցներից էին, որոնք դեպքի վայր ժամանող իրավապահներին նկատելով դիմել էին փախուստի, գրում է shamshyan.com-ը:

Ոստիկանությունը որոնում է միջադեպի 4-րդ մասնակցին, որը նունպես դիմել էր փախուստի։

Աղբյուրի տեղեկություներով՝ Ս․ և Մ․ Խաչատրյանները ազգականներ են։

Հիշեցնենք՝ ապրիլի 16-ին՝ ժամը 10։50-11։10-ն ընկած ժամանակահատվածում, Դավիթաշենից դեպի Աշտարակի խճուղի տանող հատվածում մոտ 20-ից ավելի երիտասարդներ ճանապարհը փակել ու խուլիգանության դրդումներով, բառի բուն իմաստով, ինչպես ժողովուրդն է ասում, իրար հայհոյելով՝ «սամասուդ» էին արել: