«Սու 30»-ների պես, բայց խիստ վտանգավոր PR, որ կարող է կյանքեր արժենալ
Արդեն 2 տարի է, ինչ ադրբեջանական զորքը ներխուժել է Հայաստանի սուվերեն տարածք, հաստատվել մեր բարձրադիր դիրքերում։
Արդեն 2 տարի է, ինչ թշնամու կողմից օկուպացված են Հայաստանի մարզերից տարածքներ Սյունիքում, Գեղարքունիքում, Վայոց ձորում։
Այս բոլոր մարզերում թշնամին զբաղեցնում է ռազմավարական նշանակության բարձունքներ, կատարում ամրաշինական աշխատանքներ, իսկ Հայաստանի Կառավարությունը զբաղված է ոչ թե թշնամական օկուպացիայից հայկական հողը ազատելով, այլ՝ միայն սեփական փիարով։
Պարզվում է, որ Հայաստանի Կառավարությունը իր առաջ խնդիր է դրել ոչ թե թշնամական զորքը մեր երկրից հեռացնելը, այլ՝ կանոնավոր չվերթների իրականացումը Երևանից դեպի Կապան և այդ նպատակով էլ երեկ կատարվել է փորձնական թռիչք։
«Մի հատված ենք ունեցել, որտեղ մոտ երկու րոպե ինքնաթիռը որոշ սարքավորումներով չի նկատվել, որը տեխնիկական է։ Մենք հենց դա էլ ուզում էինք հասկանալ, որպեսզի հետագայում թռիչքուղու ուղղությամբ մեր ալեհավաք և այլ նավիգացիոն սարքավորումները շտկենք։ Ընդհանուր առմամբ, թռիչքը դրական ենք գնահատում։ Մեր նպատակն է վերլուծել տեղի ունեցածը»,– այսօր Կառավարության նիստի ժամանակ վարչապետ Փաշինյանին պատմել է Տարածքային կառավարման և ենթակառուցվածքների զարգացման նախարար Գնել Սանոսյանը։
Նախարարը դրական է գնահատել օդանավի իրականացրած թռիչքը և խոսել միայն տեխնիկական խնդրի մասին, ինչը առոչինչ է այն խնդիրների հետ համեմատ, որոնք կարող է ստեղծել Սյունիքի մարզի կարևորագույն բարձունքներում նստած թշնամին։
Կապանի օդանավակայանի կողքին է ադրբեջանական դիրքը՝ ընդամենը 100 մետր հեռավորության վրա։
Հարց է առաջանում, թե այդ ո՞ւմ ի՞նչ է ուզում ցույց տալ Հայաստանի իշխանությունը՝ ադրբեջանական դիրքից դիտարկվող տարածքում մարդատար ինքնաթիռ երկինք հանելով։
Պարզ է, որ Հայաստանի վարչապետը թշնամու քթի տակ բեմադրություն է կազմակերպում, որ ցույց տա, թե կարևորում է Սյունիքի մարզի զարգացումը,բայց սյունիքցիների համար պարզ է, որ գործ ունեն հերթական մանիպուլյացիայի հետ, որովհետև օդանավակայանից 100 մետր հեռավորության վրա գտնվող ադրբեջանական դիրքից խոցվելու հավանականությունը շատ մեծ է, իսկ երկնքում փրկվելու հնարը՝ զրոյական։
Հայաստանի նախկին վարչապետ Կարեն Կարապետյանի մտահղացման և Սյունիքի նախկին մարզպետ Վահե Հակոբյանի կողմից իրագործված ծրագրի՝ վերգործարկված Կապանի օդանավակայանում օդանավ երկինք բարձրացնելու այս քայլով Նիկոլ Փաշինյանը լուծում է մեկ խնդիր ընդամենը։ Ապագայում հրապարակվելիք 100 նոր փաստի մեջ նպատակ կա մեկ աննախադեպ փաստ արձանագրել, թեկուզ չաշխատող, ինչպիսին չաշխատող էր «Սու 30»-ներ գնելը և դրանց հետ սելֆիներ անելը։
Հիշեցնենք, որ այդ գնման մասին ժամանակին Հայաստանի վարչապետը իր ֆեյսբուքյան էջում գրել էր.
«Մարտական խոցումով» առաջին վարժական թռիչքներն են իրականացրել՝ փորձարկելով երկինք-երկիր հրթիռներ՝ «գրոհային գործողության» համար։ Բոլոր թիրախները խոցվել են բարձր ճշգրտությամբ»։
Սա ՀՀ վարչապետի բերանից դուրս եկած հերթական սուտն էր, որովհետև 44 օր ընթացող պատերազմի ժամանակ «Սու 30»-ները ոչ մի օբյեկտ չեն խոցել, չեն փրկել գոնե մի հայի կյանք։ Նույնը հիմա է, Կապանի օդանավակայանում օդանավ բարձրացնելը փիար է, այս դեպքում խիստ վտանգավոր փիար, որովհետև կարող է արժենալ մարդկային կյանքեր։
Եղեգնաձորում ընտրական իրավիճակը լարված է. «Նայեք, աջ ու ձախ չֆիքսեմ». «Իրավունք»
Գորիսի նախընտրական փակագծերը. Առուշանյանն ազատվում է ՔՊ-ից, իշխանականները «օրերն են հաշվում». «Փաստ»
Ծնողներին խաբել-տարել են «Կրթվելը նորաձեւ է»-ի հավաքին
«Հերիք է հայրենասիրություն քարոզեք... չկա հայոց պատմություն». ի՞նչ է հրահանգել Փաշինյանն ուսուցիչներ...
Նիկոլ Փաշինյանի հետ՝ Սերժ Սարգսյանի դեմ, այսօր՝ այլ քաղաքական ճամբարում․ ի՞նչ է փոխվել
«Ում հետ նկարվել ես, թող նա էլ աշխատանք տա». Փաշինյանին են փոխանցվել քաղաքական ազատումների կոնկրետ ա...
Ինձ համար հոգեպես շատ բարդ է ամեն անգամ ստանալ այս ատելության ալիքները․ բլոգեր HayDalek-ը հայտնել է ...
Ինչպես է Փաշինյանը ժրաջանորեն փայլեցնում իր կոշիկները (տեսանյութ)
Հայտնի բժիշկ-սրտաբանի մոտ հայտնաբերվել է մարիխnւանա
Կադրային ի՞նչ փոփոխություններ է արել Վլադիմիր Պուտինը
