Ինչքան էլ քլնգեք, քննադատեք, ծաղրեք, հայհոյեք այդ «քաղաքացու օրը», դա միևնույն է Նիկոլի օրակարգով շարժվել, այն ամրապնդել է նշանակում․ Կարեն Վրթանեսյան

Հարգելի ընկերնե՛ր, հասկանում եք, չէ՞, որ ինչքան էլ քլնգեք, քննադատեք, ծաղրեք, հայհոյեք այդ «քաղաքացու օրը», դա միևնույն է Նիկոլի օրակարգով շարժվել, այն ամրապնդել է նշանակում։ Այս մասին ֆեյսբուքյան իր էջում գրել է մեդիափորձագետ Կարեն Վրթանեսյանը։

«Ընկերներով քիչ առաջ զրուցում էինք և մի քանի րոպեում այսօրվա համար 3–4 սեփական օրակարգերի գաղափարներ ծնվեցին։ Ավելին, հանգիստ կարելի էր այդ «քաղաքացու օրը» շուռ տալ նիկոլենց դեմ առանց այդ օրը հիշատակելու։

Ընդամենը պետք է դուրս գալ «իրենք ասացին, մենք արձագանքում ենք» մտայնությունից։

Հիմա կասեք. «Այդքան խելացի ես, ինչո՞ւ ինքդ չես անում»։ Պատասխանեմ...

Նախ՝ ո՞վ ասաց, որ չեմ անում։ Ինչքանով որ ընկերներիս և իմ անձնական ռեսուրսները (նախևառաջ ժամանակը) հերիքում են, անում ենք։

Երկրորդը՝ ի տարբերություն շատերի, ունենք երկարաժամկետ օրակարգեր և փորձում ենք դրանցից չշեղվել, բոլոր՝ խիստ սուղ ռեսուրսները դրանց ենք ուղղում։ Այսրոպեական ղժղժիկներով ցանկացած շեղում երբեմն օրերով հետ է գցում կարևորից։

Ըստ այդմ, եթե նույնիսկ չկա սեփական օրակարգ կամ այն լսելի դարձնելու հնարավորություն, ապա գոնե կարելի է լռել ու չդառնալ նիկոլական քարոզչամեքենայի սցենարով այդ սցենարի բազմապատկիչ»,- գրել է նա՝ օգտագերծելով #երկիրՀԺ հեշթեգը։