Հայաստանում քաղբանտարկյալներ չկան. Աննա Վարդապետյան

Հայաստանում, ցավոք սրտի, կոռուպցիայի համակարգային բնույթը ենթադրել է նաև քաղաքական ու բարձր պաշտոններ՝ պետության հետ փոխկապակցված մեծ ընկերություններում, բայց դրդապատճառները ֆինանսական են ու կոռուպցիոն: Ազգային ժողովում հայտարարեց գլխավոր դատախազ Աննա Վարդապետյանը։

Նրա խոսքով` աշխատանքը դատախազությունում կառուցված է բացառապես փաստի վրա:

«Եթե նայեք դատարան գնացած գործերը, օրինակ, դրվագները, որոնք չեն ներառվել մեղադրանքի մեջ, կտեսնեք, որ կան գործեր, որոնցով մեղադրանքը, օրինակ, մինչև դատարան գնալը 80 տոկոսով փոփոխվել է ֆինանսական քննության ու փաստաթղթահեն ուսումնասիրություն է իրականացվել, քննություն է իրականացվել։ Սա դատախազության հիմնական աշխատանքի ձևաչափն է, ու կոռուպցիայի դեմ պայքարը մեզ համար առաջնահերթություն է»,- ասաց Վարդապետյանը։

Վերջինս արձագանքել էր «Հայաստան» խմբակցության պատգամավոր Արմենուհի Կյուրեղյանը հարցին, թե կա՞ն կոռուպցիոն սարքած գործեր: 

«Արդյոք դրանք քաղաքական հետապնդման արդյունք չե՞ն, քաղաքական հետապնդման նպատակով նրանց վրա գործեր են կարվել։ Մամիկոն Ասլանյանի գործը որպես վկայություն»,-հարցրել էր Կյուրեղյանը:

Վարդապետյանն արձագանքեց, թե այդտեղ որևէ քաղաքական մոտիվ էլ չկա։

Եվ առհասարակ, անդրադառնալով քաղբանտարկյալների մասին հարցին՝ գլխավոր դատախազը վստահեցրեց, որ Հայաստանում քաղբանտարկյալներ չկան:

«Մենք ոչ ներպետական, ոչ միջազգային մակարդակում քաղբանտարկյալների առկայությունը հիմնավորող որևէ տվյալ չունենք»,- ասաց նա՝ հավելելով, որ դատարան գնացած գործերի մեղադրանքներն առավելապես ֆինանսական ու կոռուպցիոն բնույթի հանցագործություններ են ու քաղաքական որևէ տարր չեն պարունակում: