Վարդապետյանը թարս «ապտակել է» Փաշինյանին, բացահայտել, որ ստախոս է
Հայաստանում վարչապետի աթոռը զբաղեցնող Նիկոլ Փաշինյանը 2008 թվականի Մարտի 1-ի ողբերգության 10 զոհերի արյան վրա կառուցեց իր քաղաքական կարիերան։
Զոհերի ծնողներին քարշ տվեց դատարան, որ 2-րդ նախագահ Ռոբերտ Քոչարյանի դեմ ցուցմունքներ տան, բեմադրեն շոուներ, մեղադրեն ու անիծեն այն հույսով, որ Փաշինյանը բացահայտելու է Մարտի 1-ի գործը։ Հայաստանի վարչապետը դառնալուց հետո, չցանկանալով զոհերի հարազատներին կորցնել որպես սեփական էլեկտորատ՝ Նիկոլ Փաշինյանի որոշմամբ պետական բյուջեից 30-ական միլիոն դրամներ տրվեցին Մարտի 1-ի զոհերի ընտանիքներին՝ որպես օգնություն։
Զոհերի հարազատներին իր էլեկտորատում պահելու համար Նիկոլ Փաշինյանը գնաց շատ ավելի հեռու և հայտարարեց, թե Մարտի 1-ի գործը ամբողջությամբ բացահայտված է։
Ինչ իմանար ՀՀ վարչապետը, որ նախկինում իր օգնական, ներկայիս Գլխավոր դատախազ Աննա Վարդապետյանը իր այդ ելույթը չի լսել և Ազգային ժողովում կհայտարարի մի բան, որով Փաշինյանը կհռչակվի որպես ամենավերջին ստախոս։
Նիկոլ Փաշինյանին այսօր հերքելով՝ նրա կողմից նշանակված Գլխավոր դատախազ Աննա Վարդապետյանը բացեց նաև Փաշինյանից 30 միլիոն դրամ օգնություն ստացած մարդկանց աչքերը։ Վարդապետյանի՝ Ազգային ժողովում ի լուր աշխարհի հայտարարությունից պարզ դարձավ, որ Նիկոլ Փաշինյանը խաբում է Հայաստանի հանրապետության քաղաքացիներին, խաբում է Մարտի 1-ի զոհերի հարազատներին։
Խոսելով Մարտի 1-ի գործի բացահայտման վերաբերյալ Փաշինյանի ասածների մասին՝ Վարդապետյանն ասաց.
«Ինչ վերաբերում է հայտարարությանը, ես խոսում եմ գործի քրեադատավարական քննության և քրեաիրավական քննության մասին, և, բնականաբար, միակ սուբյեկտը, որ կարող է խոսել վարույթի մասին, դա վարույթն իրականացնող մարմինն է։ Եվ քրեադատավարական բացահայտման տեսանկյունից, կարծում եմ, այստեղ իմաստային տարբերություն կա։ Ես՝ ինքս, ցավոք, չեմ լսել այդ ելույթը, բայց քրեադատավարական կոմպոնենտ լինել այստեղ չի կարող, քանի որ Մարտի 1-ի գործը դեռևս գտնվում է նախաքննության փուլում, այսինքն՝ նախաքննության փուլում քրեադատավարական իմաստով բացահայտված վարույթ չկա»։
Վարդապետյանի այս հայտարարությունը բացահայտում է այն ամբողջ կեղծիքը, որը դրված է Փաշինյանի պաշտոնավարման հիմքում. պաշտոնավարում, որի նպատակը սեփական ժողովրդին խաբելը, կեղծելը և հարստահարելն է, որի նպատակը թշնամուն երկիրը հանձնելն է։ Այստեղ տեղին է ևս մեկ անգամ Փաշինյան ընտրած ՀՀ քաղաքացիներին հիշեցնել, թե ինչ է իրենց խոստացել իրենց սիրելի վարչապետը և ինչ հակառակ իրականություն ունենք այսօր։
Ստիպված ենք Փաշինյանին ստերից ևս մեկ կտոր հրամցնել ձեզ՝ ակնկալիքով, որ այլևս թույլ չեք ստով կերակրել ձեզ.
«Մարտի 1-ը» բացահայտված է, բայց մեղավորները դեռևս պատժված չեն։ Այն, որ մինչև հիմա «Մարտի 1-ի» մարդասպանները հայտնաբերված չեն, դա չի նշանակում, որ այդպես չի լինի»։
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
Էրեբունիում հայրը փորձել է բռնաբարել դստերը. «Հրապարակ»
Կյանքից հեռացել է «Նաիրի» ԲԿ ֆիզիոթերապիայի բաժնի ղեկավար Անահիտ Հասրաթյանը
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Զnhված տղաների шրյшն հոտը վերցրել էր ողջ քաղաքը. 19.09.2023. հիշում է՝ արgախgի Նանար Պողոսյանը
Հայաստանի բնակիչը հացադուլ է հայտարարել՝ Մոսկվայից պահանջելով վերադարձնել իր 3 երեխաներին
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
Տավուշում ոստիկանը մեքենայով բախվել է ձիուն և կողաշրջված հայտնվել այգում. նա տեղում մահացել է
