Հայաստանը մաշված ջինսե շալվարի վերածածները

Հայաստանի վարչապետ Նիկոլ Փաշինյանը Արցախ և Հայաստան աշխարհները վերածեց շագրենի կաշվի, կամ որ ավելի վատ է' մաշված ջինսե մի կտորի։

Նիկոլ Փաշինյանը դարձավ Հայաստանի հանրապետությանը բաժին ընկած այն վարչապետը, ով Արցախ աշխարհի մեծ մասը հանձնեց Ադրբեջանին, դրանից հետո քարշ տվեց իր քաղաքական ողորմելի գոյությունը, որ հիմա բանակցի Արցախից մնացած փոքր հայկական հողակտորը թշնամուն հանձնելու համար։

Հայաստանի վարչապետ Նիկոլ Փաշինյանը Հայաստանին բաժին հասած այն ղեկավարն է, ում օրոք թշնամին օկուպացրեց նաև Հայաստանի տարածքները, իսկ թշնամական օկուպացիայից Հայաստանը ազատագրելու փոխարեն Հայաստանի ղեկավարը թշնամուն հանգստացրեց՝ ասելով՝ «Բա մեզ պետք է այն սարը, որի վրա տարվա 12 ամիսը ձյունը է»։

Ողբերգություն է, բայց փաստ, Հայաստանի հանրապետության Սահմանադրության վրա ձեռքը դրել և Հայաստանի տարածքային ամբողջականությունը պահպանելու խոստում է տվել մի մարդ, ում համար հայրենիքը սկսվում և ավարտվում է Կոնդի առանձնատների տարածքով, ում համար կարևոր չէ Արարատ սարը, քանզի պետք է պահել Արարգածը: Հայաստանի վարչապետ է մի մարդ, ում համար հայկական շահը սկսվում և ավարտվում է Թուրքիայից Հայաստանին հասանելիք տնտեսական շահով։

Ու զարմանալի է, որ նման ղեկավարի հանդուրժող հայ հասարակությունը հիմա նեղվել է, որ Հայաստանը Չեխիայում ներկայացրել է Փաշինյանի մաշած ջինսե շալվար հագած կինը։

Թշնամուց ամեն օր ողորմածություն խնդրող Նիկոլ Փաշինյանին հանդուրժող հայ հասարակությունը հիմա ամոթանք է տալիս, թե ինչպես կարող է երկրի ղեկավարի կինը պաշտոնական կամ աշխատանքային այցի մեկնի մաշված ջինսե շալվարով եւ բոթասներով, կամ ընդհանուր' փնթի տեսքով։

Աննա Հակոբյանի մաշված ջինսե շալվարից նեղված մարդիկ ավելի վաղ պետք է նեղվեին հայրենիք հանձնող եւ հայրենիք ուրացող վարչապետ ունենալու համար: Աննայի ջինսե մաշված շալվարից նեղվել հայերը ավելի վաղ պետք է նեղվեին հայրենիքի համար զոհված զինվորներին պլյուս մինուսով հաշվող վարչապետ ունենալու համար: Չեք նեղվել այնժամ, մի նեղվեք նաեւ հիմա, քանզի հենց դուք եք Նիկոլ-Աննա զույգին շարունակում պահել իշխանության ղեկին ու ձեզ նրանք կնվաստացնենք այնքան, որքան թույլ կտաք: Մի զարմացեք, պետբյուջեի հաշվին աշխարհում շրջագայող Աննան վաղը ձեզ կարող է աշխարհին ներկայացնել խալաթով։

                                                 NEWSPRESS.am