Մեր ազգի ամենամեծ թերությունն այն է, որ մեկս մյուսի կաշվի մեջ չենք ուզում մտնել, ամեն մայր կարծում է, որ իր որդին դրանից հեռու է․ զոհվածի հայրն իշխանության դեմ ոտքի կանգնելու կոչ է անում

Պատերազմի ժամանակ շատ բան բացահայտված չէր, բայց ամիսներ, տարիներ հետո մենք շատ բան իմացանք, Շուշիի հետ կապված։ Այս մասին այսօր «Եռաբլուր» զինվորական պանթեոնում 44-օրյա պատերազմում զոհված Արայիկ Բաղդասարյանի հուղարկավորության ժամանակ լրագրողների հետ զրույցում ասաց 44-օրյա պատերազմում նոյեմբերի 7-ին զոհված Գևորգ Ավդիխանյանի հայրը՝ Բորիկ Կոյտիկովը։ 

«Այսօր շատ ցավալի օր է։ Որդեկույս ծնողներս եկել ենք, ամենս մեր որդուն ենք հիշում, հիշողությունները մեր մեջ մնացել են, շատ ցավալի հիշողություններ են, բայց ամենացավալին այն հիշողությունն էր, որ 4 ոստիկան՝ կարմիրբերետավորներ, Գոհար մայրիկին նման ձևով տարան, ու այսօր հուղարկավորվում է իր որդին»,- ասաց նա։ 

Զոհվածի հայրը նկատեց, որ մեր ազգի ամենամեծ թերությունն այն է, որ մեկս մյուսի կաշվի մեջ չենք ուզում մտնել․ «Չենք ուզում գիտակցել, թե վաղվա օրն ինչ կարող է լինել։ Մեկ տարի առաջ, երբ սկսեց մեր ըմբոստությունն այս կառավարության դեմ, մենք ասացինք, որ նոր զոհեր են լինելու, և ժողովուրդն էդ ամեն ինչը տեսավ։ Եվ գիտեք՝ ի՞նչն է հետաքրքիր․ ամեն ընտանիք, ամեն մայր կարծում է, որ իր որդին դրանից հեռու է։ Բայց ժամանակը ցույց տվեց, որ բոլորն էլ կարող են այս վիճակի մեջ ընկնել։ Շատ ցավալի է՝ մայրը 2 տարի 7 ամիս մեծ սպասումներով սպասի․․․ թե այդ կինը (թող ցանկացած մայր իր վրա վերցնի) ինչ հոգեկան ապրումներով է ապրել․ թե մենք ինչ ձև ենք քնել մեր որդիների ծանր վիճակի ժամանակ։ Համենայն դեպս, չենք ցանկանում ոչ մի ծնող էդ ցավը տեսներ, բայցև աչքերը բացելու ժամաանկ է, բավաական է, էլ ի՞նչ է պետք կատարվի մեր ազգի հետո, որ էս ժողովուրդը վերջանականապես ընկալի էդ ամեն ինչը և ոտքի կանգնի և էս հարցը վերջնակապես լուծենք»։