Մեր ապագան պետք է զերծ լինի հայի նման տեսակից, որ լինենք ու շատանանք
30 տարի առաջ՝ Մայիսի 8-ին, ազատագրվեց հայոց բերդաքաղաք Շուշին, 30 տարի անց, երբ Հայաստանի վարչապետը Նիկոլ Փաշինյանն էր, Շուշին տրվեց Ադրբեջանին՝ որպես 30 տարվա երազանքի նվեր։
Նախկինների ազատագրած բերդաքաղաքում պար բռնած Հայաստանի վարչապետ Նիկոլ Փաշինյանի համար այդ բերդաքաղաքը դժգույն էր ու դժբախտ, բայց դա չխանգարեց նրան հարյուրավոր հայ զինվորների դիակներ թողնել բերդաքաղաքի անառիկ պարիսպների տակ՝ քաղաքը թշնամուն նվեր տալու համար։
Բայց, եթե Նիկոլ Փաշինյանի համար Շուշին դժբախտ, դժգույն քաղաք էր, ինչը պետք է տրվեր Ալիևին, ապա չգիտես ինչու, այդ սև գործն իրագործելուց 3 տարի անց, հայտնվել է Փաշինյանի թրի տակով անցած մի զինվորական, ով խոսում է Շուշին կրկին ազատագրելու մասին։
Այդ զինվորականը Սասուն Միքայելյանն է, մի մարդ, ով 2018 թվականի իշխանազավթումը Արցախյան առաջին հաղթանակած ազատամարտից կարևոր համարեց՝ որքան հնարավոր է ուժեղ ուրանալով անցյալը՝ հանուն Փաշինյանի։
Սասուն Միքայելյանը հիմա Շուշին ազատագրելու խոստում է տալիս ոչ ավել ոչ պակաս հայրենի հողը փողի դիմաց թշնամուն չծախողների համար սրբատեղի համարվող Եռաբլուրում։
Սպարապետ Վազգեն Սարգսյանի տարիների վաստակը և նրա հուշարձանը Ալիևի պղծմանը հանձնելու համար գետինը մտնելու փոխարեն իրեն Երկրապահ կամավորների միության նախագահ զգացող Սասուն Միքայելյանը այսօր Եռաբլուրում ասել է.
«Ուզում եմ շնորհավորել Սպարապետին, որ կարողացավ 90-ական թվերին մեզ բոլորիս համախմբել»։
Հարցին՝ Շուշիի ազատագրման օրն է, Շուշին օկուպացված է, Շուշին, Հադրութը հետ բերելու՞ ենք, թե՞ ոչ, Սասուն Միքայելյանը ասել է․ «Պիտի ազատագրվի, լեզվով չէ՝ գործով»։
Սպարապետի հաղթանակները Ալիևին տվածը խոսում է գործի մասին, բայց ի՞նչ է ցույց տվել ինքը գործով։ Գործով ապացուցել է, որ ինքը ու իր քաղաքական թիմը հայ ազգի պատմության դասագրքերում հիշատակվելու են որպես ամենասովորական հող հանձնողներ՝ իշխանության, փառքի, ունեցվածքի, սեփական զավակներին լավ աշխատանքով ապահովելու և այլ բարիքների դիմաց։
Ցավալի փաստ է՝ ողորմելի կերպարներ և նվաստացուցիչ դրվագներ հայ ժողովրդի հարյուրամյա պատմության մեջ եղել են անցյալում, կան ներկայում, բայց ապագայում հայ ժողովուրդը կլինի, եթե նման կերպարներին պատմության աղբանոցը ուղարկի։ Մեր ապագան պետք է զերծ լինի հայի այս տեսակից, որ մենք լինենք ու շատանանք։
Եղեգնաձորում ընտրական իրավիճակը լարված է. «Նայեք, աջ ու ձախ չֆիքսեմ». «Իրավունք»
Գորիսի նախընտրական փակագծերը. Առուշանյանն ազատվում է ՔՊ-ից, իշխանականները «օրերն են հաշվում». «Փաստ»
Ծնողներին խաբել-տարել են «Կրթվելը նորաձեւ է»-ի հավաքին
«Հերիք է հայրենասիրություն քարոզեք... չկա հայոց պատմություն». ի՞նչ է հրահանգել Փաշինյանն ուսուցիչներ...
Նիկոլ Փաշինյանի հետ՝ Սերժ Սարգսյանի դեմ, այսօր՝ այլ քաղաքական ճամբարում․ ի՞նչ է փոխվել
«Ում հետ նկարվել ես, թող նա էլ աշխատանք տա». Փաշինյանին են փոխանցվել քաղաքական ազատումների կոնկրետ ա...
Ինձ համար հոգեպես շատ բարդ է ամեն անգամ ստանալ այս ատելության ալիքները․ բլոգեր HayDalek-ը հայտնել է ...
Ինչպես է Փաշինյանը ժրաջանորեն փայլեցնում իր կոշիկները (տեսանյութ)
Հայտնի բժիշկ-սրտաբանի մոտ հայտնաբերվել է մարիխnւանա
Կադրային ի՞նչ փոփոխություններ է արել Վլադիմիր Պուտինը
