Տարոնի և նրա գործազուրկ կնոջ միլիոնները օրեցօր ավելանում են. (տեսանյութ)
Երևանի քաղաքապետ Տարոն Մարգարյանի ունեցվածքը գնալով ավելանում է: Նրա հերթական շքեղ առանձնատունը Ավանի Դուրյան թաղամասում է : newspress.am-ին այս մասին պատմեցին Դուրյան թաղամասի մի շարք բնակիչներ: Նրանց խոսքով ՝այս թաղամասում՝ Տարոնի հարևանությամբ, առանձնատուն է կառուցում նաև ԱԺ փոխխոսնակ Էդուարդ Շարմազանովը: ԿԳ նախարար Արմեն Աշոտյանն էլ հողատարածք ունի:
Այս երեքից ունեցվածքի առումով Տարոն Մարգարյանն ամենահաջողակն է: Ասել, թե պետական պաշտոնյայի աշխատավարձով Տարոն Մարգարյանը ամեն օր կարող է նմանատիպ դղյակներ կառուցել բիզնեսներ ավելացնել ու դառնալ միլիոնատեր` անհեթեթ է ու ծիծաղելի, մանվանդ հաշվի առնելով Տարոն Մարգարյանի այն հայտարարությունները, թե այլ եկամուտ չունի: Պարզվում է, որ այլ եկամուտ չունեցող Տարոն Մարգարյանի ունեցավծքը դեռ երկու տարի առաջ, ըստ տարբեր հաշվարկների, կազմել է մոտ տաս միլիոն դոլար, միլիոնատեր է նաև Տարոն Մարգարյանի գործազուրկ կինը: Բայց իրավասու մարմիները փորձ չեն արել հետաքրքրվել, թե որտեղից երիտասարդ պաշտոնյային այդքան միլինոններ: Ըստ օդում կախված լուրերի՝ քաղաքապետը իր միլիոնները աշխատում է «ատկատների» միջոցով, սա էլ իրավապահ մարմիներին և իշխանությանը չի հետաքրքրում, ասում են՝ ջահել տղա է, թող աշխատի:
Մինչդեռ Տարոն Մարգարյանը և նրա ընկները, եթե ասենք ԱՄՆ –ում ապրեին, պաշտոն զբաղեցնեին և ունենային կասկածելի ունեցվածք, նորանոր դղյակներ կառուցեին` անմիջապես կհայտնվեին Հետաքննությունների դաշնային բյուրոյի դիտակետում, էլ չասենք թե հետո ուր: Ահա թե ինչու ԱՄՆ և ԵՄ պաշտոնյաները վերջին շրջանում զարմացած ու զայրացած են, թե Հայաստանում կոռուպցիայի դեմ պայքարն ինչու արդյունք չի տալիս, չնայած ԱՄՆ-ի, Եվրոպայի ներդրումներին ու ջանքերին:
