Ուտում են ու մարսում. Արսեն Թորոսյանն ու Վահե Տեր-Մինասյանը Դուբայում կլինիկա են բացում

«Գարդասիլն» ու Cօvid-19-ը «հորով–մորով» արած և մարսած Արսեն Թորոսյան-Վահե Տեր–Մինասյան ընկերները, ոչ ավել-ոչ պակաս, այժմ էլ ֆինանսական սնման նոր աղբյուր են գտել։

NEWSPRESS.am-ի տեղեկություններով` հիշյալ զույգը Դուբայում կլինիկա է բացում։

Իհարկե, նման ռիսկի գնալ նրանք չէին կարող` առանց ֆինանսական լուրջ ներդրումների։

Մի խոսքով` նախկինների ալան–թալանի, փողեր լվանալու ու կոռուպցիայի դեմ «պայքարող» իշխանության ներկայացուցիչ Արսեն Թորոսյանն իր ընկերոջ հետ կասկածելի փողերով դրսում գործ է դնում։

Ինչու կասկածելի, որովհետև առնվազն միամիտ ու առավել ևս ծիծաղելի կլիներ մտածել, թե Արսեն Թորոսյանն ու Վահե Տեր–Մինասյանը դրսում կլինիկա են բացում իրենց «հալալ քրտինքով աշխատած, կոպեկ–կոպեկ հավաքած ու հետ գցած» ֆինանսների հաշվին։

Չենք քննարկում այն, թե ում ճնշումների ներքո, Արսեն Թորոսյանի կնոջը փաստացի պատկանող բժշկական կենտրոնը ինչպես 0-ական վիճակից սկսեց «պահանջարկ վայելել», կտրուկ ավելացան պետական ներդրումներն ու աճեց նաև բժշկական կենտրոն այցելուների թիվը։

Անդրադառնանք հարցին, թե ինչու էին Թորոսյանն ու Վահե Տեր-Մինասյանը շահագրգռված «գարդասիլի» բիզնեսով։

Թերևս հիշողներ կլինեն, որ Վահե Տեր-Մինասյանն անգամ, օրենքները շրջանցելու ճանապարհով, լծվել էր «Գարդասիլ-4»-ը գովազդելու անթույլատրելի գործին։

Այս գործով առողջապահական և աշխատանքի տեսչական մարմինը նույնիսկ տուգանել էր Տեր-Մինասյանին, որով զայրացրել էր Թորոսյանին։

Ի պաշտպանություն իր ընկերոջ` Թորոսյանը «նետվել էր» տեսչական մարմնի ղեկավար էդգար Խուրշուդյանի «դեմքին», թե` ինչո՞ւ է տուգանել։

Ըստ լուրերի` Էդգար Խուրշուդյանն ասել է, որ այլ բան չէր կարող անել, քանի որ կար քաղաքացու ահազանգ, այն ժամանակ դեռ նախարար աշխատող Թորոսյանն էլ բղավել է, թե` «պասլատ անեիր» այդ քաղաքացուն...

Հիմա այս տրամաբանության մեջ պարզ է, չէ՞, որ հանուն գարդասիլի ու հանուն այդ գարդասիլը գովազդող ընկերոջ քաղաքացուն «պասլատ» անող Թորոսյանի համար Covid-19-ով պայմանավորված մահերը թերևս մեծ կորուստ չէին։

Covid-19 համավարակի դեմ պայքարի ընթացքում կատարված չարաշահումների մասով էլ ոչ թե մենք, այլ Հակակոռուպցիոն կոմիտեն է քրեական գործ հարուցել։

Գործի շրջանակում կալանավորվել են առողջապահության նախկին փոխնախարարը, որն այժմ Երևանի փոխքաղաքապետ է, «Մեդլայն Կլինիկ» ԲԿ–ի տնօրենը և էլի ոլորտի 9 ներկայացուցիչ։

Դարձյալ առնվազն պետք է միամիտ լինել մտածելու համար, որ այս խումբը գործել է  աննկատ` Թորոսյանի քթի տակ, բայց նրա աչքից հեռու և, որ Թորոսյանն անմեղ է այս գործում։

Իհարկե, Թորոսյանը չի ընդունում իր մեղքի բաժինը, բայց անկեղծության համար պետք է նշել, որ ոչ ոք ու երբեք չի ընդունում իր մեղքը։

Ու չնայած նրան, որ զարմանալի չի լինի, եթե Արսեն Թորոսյանն էլ մի օր, հայտնի «դասականի» նման, ասի` «ես պատասխանատու եմ, բայց թիվ մեղավորը չեմ»` փաստն այն է, որ ընկերների ֆինանսական հնարավորությունը ներում է` Դուբայում մեծ կլինիկա բացելու համար։

Այլ կերպ ասած` ուտում են ու մարսում... А вам слабо? 

 Արմինե Մկրտումյան