Ի՞նչ է գուժում Բայրամովը հայ ժողովրդի համար
Ադրբեջանի իշխանությունը, Լաչինի միջանցքում անցակետ տեղադրելու անօրինական գործողությունից հետո, արգելում է Կարմիր խաչի մեքենաների տեղաշարժը և հիվանդների տեղափոխումը միջանցքով։
«Անցակետ տեղադրելուց հետո Ադրբեջանն ամեն հնարավոր ձևով խափանում է Կարմիր խաչի գործունեությունն Արցախում։ Արդեն 11 օր է՝ Կարմիր խաչի միջազգային կոմիտեն չի կարողանում առողջական ծայրահեղ վիճակում գտնվող հիվանդների տեղափոխել Հայաստանի բուժհաստատություններ»,-թվիթերյան իր էջում գրել է Ստեփանյանը։
Ամբողջապես կտրելով Արցախի կապը Հայաստանից հետ՝ հաջորդ քայլով Ադրբեջանը նաև արգելելու է Հայաստանից հումանիտար բեռների տեղափոխումը Արցախ, իսկ Սարսանգի ջրամբարի չորացումը էլ ավելի է վատթարացնելու Արցախում ապրող մեր հայրենակիցների ծանր վիճակը։
Ադրբեջանը ամեն օր ավելի է սեղմում Արցախի շուրջ օղակը։ Այս պայմաններում Բրյուսելում սպասվում է Փաշինյան-Ալիև հանդիպում, որից առաջ Ադրբեջանի արտաքին գործերի նախարար Ջեյհուն Բայրամովը հայտարարում է. «Բանակցություններին ու դրանց արդյունքներին երկար չենք սպասի»։
Ի՞նչ է գուժում հայ ժողովրդի համար Բայրամովը, երբ մի քանի օր առաջ Վաշինգտոնում Հայաստանին չի հաջողվել Ադրբեջանի հետ պայմանավորվածություններ ձեռք բերել Հայաստանի 29 800 քառակուսի կիլոմետր տարածքը պահպանելու հարցում։
Ի՞նչ արդյունքի մասին է ակնարկում ադրբեջանցի պաշտոնյան, երբ Ալիևը Հայաստանին տարածքային պահանջներ է ներկայացնում։
Ակնհայտ է, որ ադրբեջանական իշխանության դրած պահանջները Հայաստանի իշխանությունը կատարում է աներեր՝ սկսած Ռուբեն Վարդանյանին պետնախարարի պաշտոնից հեռացնելուց մինչև Արցախի նշաձողի իջեցում։
Ստեղծված հումանիտար ու ռազմաքաղաքական ծանրագույն վիճակը էլ ավելի է խորացրել Լաչինի միջանցքում ադրբեջանական անցակետի տեղադրումը։ Դրանով Արցախում ձևավորել են նոր անվտանգային ռիսկեր, որոնց չեզոքացնելու ուղղությամբ Հայաստանի իշխանությունը բացահայտ հրաժարվել է մտնել անգամ որևէ բանակցային գործընթացի մեջ։
Այս պայմաններում է, որ Բայրամովի հայտարարությունը բանակցային գործընթացի արդյունքների մասին, մեզ համար խիստ վտանգավոր, քանի որ հայկական կողմից շարունակում են հրաժարվել Արցախի պաշտպանության համար որևէ քայլ կատարել ու չեզոքացված չեն Ալիևի տարածքային պահանջները՝ Հայաստանից։
Եղեգնաձորում ընտրական իրավիճակը լարված է. «Նայեք, աջ ու ձախ չֆիքսեմ». «Իրավունք»
Գորիսի նախընտրական փակագծերը. Առուշանյանն ազատվում է ՔՊ-ից, իշխանականները «օրերն են հաշվում». «Փաստ»
Ծնողներին խաբել-տարել են «Կրթվելը նորաձեւ է»-ի հավաքին
«Հերիք է հայրենասիրություն քարոզեք... չկա հայոց պատմություն». ի՞նչ է հրահանգել Փաշինյանն ուսուցիչներ...
Նիկոլ Փաշինյանի հետ՝ Սերժ Սարգսյանի դեմ, այսօր՝ այլ քաղաքական ճամբարում․ ի՞նչ է փոխվել
«Ում հետ նկարվել ես, թող նա էլ աշխատանք տա». Փաշինյանին են փոխանցվել քաղաքական ազատումների կոնկրետ ա...
Ինձ համար հոգեպես շատ բարդ է ամեն անգամ ստանալ այս ատելության ալիքները․ բլոգեր HayDalek-ը հայտնել է ...
Ինչպես է Փաշինյանը ժրաջանորեն փայլեցնում իր կոշիկները (տեսանյութ)
Հայտնի բժիշկ-սրտաբանի մոտ հայտնաբերվել է մարիխnւանա
Կադրային ի՞նչ փոփոխություններ է արել Վլադիմիր Պուտինը
