Ինչո՞ւ այսօր Դոն Պիպոն զոհված զինվորների ծնողների կողքին չէ. ինչի՞ց է վախենում

Թե ինչպես եղավ, որ 2018 թվականի «թավշյա հեղափոխության» ակունքներում հայտնվեց քրեական հեղինակություն համարվող Արթուր Ասատրյանը, ով առավել հայտնի է որպես Դոն Պիպո, թե ինչպես նա մեղադրվեց  սպանություն նախապատրաստելու, հանցավոր համագործակցություն ստեղծելու, ղեկավարելու, մասնակցելու, ապօրինի կերպով զենք ձեռք բերելու, պահելու և կրելու մեջ, թե ինչպես եղավ, որ Դոն Պիպոյի նկատմամբ վարույթ սկսվեց և թե ինչպես ավարտվեց (կամ ինչ ընթացքի մեջ է) քրեական գործը` պարզ չէ։

Ուշագրավն այն է, որ բարերար, ժողովրդին օգնության ձեռք մեկնող Արթուր Ասատրյանն այսօր այնքան էլ ակտիվ չէ։

Դեռ 2022 թվականին Ասատրյանը հայտարարեց նոր շարժում սկսելու մասին։ Նա համացանցում տեսաուղերձ էր հրապարակել, որտեղ նշում էր, որ առաջնորդելու է «Հայ խաչակիրների ազատագրական շարժումը»։

Իհարկե, այդ ժամանակ գուցե շատերը մտածեցին, որ շուտով «սարեր են շուռ գալու», բայց պարզվեց, որ Դոն Պիպոն պետք է ինչ–որ վայրում (գուցե Հայաստանից դուրս), նստի գեղեցիկ սենյակում ու տեսաուղերձների շարք թողարկի։

Իհարկե, նրա տեսագրությունների մեջ ասելիք կա. դրանք բավականին տեղեկատվական են, տեղ–տեղ նաև՝ սպառնող, բայց միևնույն ժամանակ` ոչինչ չտվող։

Այլ կերպ ասած` միայն խոսք և 0 գործողություն։

Հետաքրքրիր է` ի՞նչ «ազատագրական շարժման» մասին է խոսքը, երբ այս օրերին Դոն Պիպոն, թվում էր, որ որպես բարերար, ժողովրդասեր պետք է լինի զոհված զինծառայողների ծնողների կողքին։ Պարզվում է` դա միայն թվում էր...

Ինչո՞ւ նա հերոսածին մայրերի կողքին չէ։ Իսկ գուցե Փաշինյան Նիկոլի նման նա՞ էլ է կարծում, թե հերոսածինն Աննա Հակոբյանն է, գուցե նա՞ էլ է կիսում այն տեսակետը, որ զինվորի մայրն է մեղավոր, ո՛չ թե զինվորի մոր վրա «գրող» Աշոտիկը... կամ գուցե պարզապես Դոն Պիպոն խուսափո՞ւմ է իր դեմ հարուցվելիք հնարավոր նոր գործերից ու մտածում է` շառից ու փորձանքից հեռու, շա՜տ հեռու. ասենք, օրինակ, հեռավոր Իտալիայում, ուր նա սիրում է լինել, կարևորը` տեսախցիկի դիմաց, էկրանի հետևից տեսաուղերձներ անի, իսկ ծնողներն արդեն սովորել են հարվածների` այս հարվածին էլ կդիմանան։

Ու հերն էլ անիծած, որ այս աննախադեպ գործն արժեզրկում է և՛ հայրենիքը, և՛ հայրենիքը պահող զինվորին, և՛ այն Հայ խաչակիրներին, որոնց ներկայացնում է ինքը և առոչինչ դարձնում Դոն Պիպոյի «ազատագրական շարժում» կոչվածը...

NEWSPRESS.am