Դուք արհամարհում եք հայ ժողովրդի՝ Արցախում ինքնորոշման իրավունքը․ բաց նամակ՝ Շառլ Միշելին

Եվրախորհրդի պարոն նախագահ,

Ցավով տեղեկացնում ենք, որ ձեր դերակատարությունը հայ-ադրբեջանական հակամարտության կարգավորման գործում վնասակար է հայ ժողովրդի համար, դա ողջունելի չէ և ամոթալի է ձեր կազմակերպության համար։ Դուք արհամարհում եք հայ ժողովրդի՝ Արցախում ինքնորոշման իրավունքը։ Դուք հայ ժողովրդին օգտագործում եք որպես թնդանոթի միս՝ միայն Հարավային Կովկասում Ռուսաստանի դեմ և նաև Իրանի դեմ մեկ այլ ճակատ բացելու համար։

Այս կապիտուլյացիան, որը դուք խրախուսում եք ձեր հորդորներով և նպաստում դրան, կհանգեցնի Արցախի հայ ժողովրդի ցեղասպանությանը։

Մինչդեռ 1915 թվականի ցեղասպանությունը չի ճանաչվել անգամ ձեր ռազմական դաշնակից Թուրքիայի կողմից։ Եվրոպական տարբեր երկրների կողմից Հայոց ցեղասպանության բոլոր այս ճանաչումները, հետևաբար, միայն կինո էին:

Ինչո՞ւ նախ չեք հոգում 5 ամսից ավելի Արցախի շրջափակման, 120.000 մարդու, այդ թվում 30.000 երեխաների, գրեթե 3 տարի հայ ռազմագերիների ազատ արձակելու մասին։ Հաագայի տրիբունալը, որը գտնվում է ձեր կենտրոնակայանից ոչ հեռու, այնուամենայնիվ, մի քանի ամիս առաջ կարգադրեց ազատ արձակել և ազատ տեղաշարժի հնարավորություն տալ հայ պատանդներին։

Հայաստանում տարբեր հարցումները ցույց են տվել, որ Հայաստանի բնակչության ճնշող մեծամասնությունը դեմ է Արցախը Ադրբեջանի կազմում բռնի ընդգրկելուն։

Բայց դուք լսու՞մ եք հայ ժողովրդին, թե՞ ժողովուրդներն ու ազգերը ձեր եւ ձեր Եվրոպայի համար հնացած հասկացություն են։

Կարօ Պոյաճեան
սփյուռքահայ