Ինչ-որ «X» պահից ատեստավորում չանցած ուսուցիչներն այլևս դպրոցում չեն աշխատի. Փաշինյան

Հաջորդ ռազմավարական ներդրումը, որը շատ էական նշանակություն ունի մեր երկրի զարգացման համար ուսուցիչների աշխատավարձերի բարձրացումն է՝ կամավոր ատեստավորման միջոցով: Այս մասին այսօր հայտարարեց Նիկոլ Փաշինյանը:

«2019թ.-ին բոլոր ուսուցիչների աշխատավարձերը կարծեմ 10%-ով բարձրացվեցին: Բայց մենք տեսանք, որ ծախսը հանում ենք, բաց արդյունքը մեզ համար տեսանելի և շոշափելի չէ: Այդ է պատճառը, որ որոշեցինք կամավոր ատեստավորման ծրագրով իրականացնել ուսուցիչների աշխատավարձերի բարձրացումը»,- նշեց Փաշինյանը:

Նրա խոսքով՝ Կառավարությունն իր քայլն արել է, և ուսուցիչներն են որոշում՝ իրենց աշխատավարձը բարձրանա՞, թե՞ չբարձրանա: Եվ, եթե բարձրանա, ապա ինչքանո՞վ բարձրանա: 

«Ուրախությամբ և հպարտությամբ ուզում եմ արձանագրել, որ այսօր ՀՀ-ում կա 30 ուսուցիչ, որը ստանում է 400 000 դրամից ավել աշխատավարձ: Այսինքն՝ նրանք նախկինում ստանում էին 170 կամ 180 հազար: Նրանց աշխատավարձը կրկնապատիկից ավելացել է: 120 ուսուցիչ ստանում է 350 հազարից ավել աշխատավարձ, 288-ը՝ 300 հազարից ավել: Ընդհանուր առմամբ 1565 կամավոր ատեստավորված և բարձր ստացող ուսուցիչներ ունենք, որոնցից 28%-ը ստանում է 300 հազարից բարձր: 1565-ը կազմում է ուսուցիչների մոտ 7-8%-ը: Ես փաստորեն չափազանցրի 5,5%-ը»,- նշեց Փաշինյանը: 

Նրա խոսքով՝ ինչ-որ «X» պահից, սակայն հայտնի չէ այդ «X» պահը, ատեստավորում չանցած ուսուցիչներն այլևս դպրոցում չեն աշխատի.