Ինչով են զբաղված փոխվարչապետների գրասենյակներում. «Ժողովուրդ»

«Ժողովուրդ» օրաթերթը գրում է.

«Ինչո՞վ են Հայաստանում զբաղված փոխվարչապետների գրասենյակները։ Օրինակ՝ փոխվարչապետ Մհեր Գրգորյանն ունի գրասենյակի ղեկավար, չորս խորհրդական, մեկ օգնական և մեկ արարողակարգի պատասխանատու։ Այսինքն՝ այսքան մարդ սպասարկում է Մհեր Գրիգորյանին։ մյուս փոխվարչապետ Տիգրան Խաչատրանն ունի գրասենյակի ղեկավար, երեք խորհրդական, երեք օգնական և Մարդասիրական օգնության ծրագրերի վարչություն՝ պետով։

Այստեղ նկատենք, որ Տիգրան Խաչատրյանին սպասարկող անձինք նախկինում աշխատել են ֆինանսների նախարարությունում, երբ վերջինս ֆինանսների նախարար էր։ Այսինքն՝ դառնալով փոխվարչապետ՝ նա իր կադրերին նախարարությունից բերել է կառավարոթյուն և հեռացրել նախկին փոխվարչապետ Համբարձում Մաթևոսյանի կադրերին։ Իսկ ինչո՞վ են զբաղված փոխվարչապետները. նրանք բավականին ակտիվ են որոշումներ կայացնելու հարցում, արտոնություններ են տալիս, աշխատակազմին գործուղումների ուղարկում։

Եվ այնքան է այդ աշխատանքը նրանց դուր եկել, որ վերջերս արդեն արտոնություն տրվեց նաև փոխվարչապետներին։ Մասնավորապես, փոխվարչապետների հրավերով ՀՀ ժամանող օտարերկրյա փոխվարչապետների պատվիրակությունների այցելությունների դեպքում այցերի հետ կապված ծախսերի ֆինանսավորումը կիրականացվի՝ պետական արարողակարգի ծառայության ներկայացված հաշվետվության հիման վրա։

Նախկինում այս կարգավորումը վերաբերել է միայն նախագահին, վարչապետին և ԱԺ նախագահին։ Ասել է թե՝ բյուջեի ծախսերը ավելանում են, սակայն դրանց արդյունավետությունը խիստ կասկածելի է»:

Ամբողջությամբ հոդվածը՝ թերթի այսօրվա համարում։