Արմեն Աշոտյանը խանգարում էր իշխանությունների ծրագրերին․ Ագնեսա Խամոյան

Ես կարծում եմ, որ սա քաղաքական հետապնդում է Արմեն Աշոտյանի նկատմամբ։ Նա վաղուց էր արձանագրումներ անում, որ հասնելու են սրան և ամեն ինչ անելու են ազատությունից զրկելու համար։ Այս մասին լրագրողների հետ զրույցում ասաց «Հայաստան» խմբակցության պատգամավոր Ագնեսա Խամոյանը։ 

Նրա խոսքով՝ առաջիկայում լուրջ պրոցեսներ են սպասվում։ Սա հերթական քաղաքական ձերբակալումն է, որով փորձ է արվելու հանրության ուշադրությունը շեղել բոլոր գործընթացներից։ 

«Մեր գործընկերներն այցելել էին Արմեն Աշոտյանին, և նա ևս արձանագրել էր, որ սա չպետք է պատճառ դառնա, որպեսզի հասարակությանը շեղեն հիմնական օրակարգային այն հարցերից, այն ամենից, ինչ պատրաստվում են իրականացնել այս իշխանությունները։ Սակայն մյուս կողմից էլ պետք է արձանագրենք, որ այս քաղաքական հետապնդումները վաղուց են իրականացվում և ցավով պետք է արձանագրեմ, որ այս իշխանություններին ի վերջո հաջողվեց ազատությունից զրկել Արմեն Աշոտյանին։ Մարդու, որը միջազգային հարթակներում լուրջ աշխատանք էր իրականացնում ՀՀ-ի և Արցախի Հանրապետության համար։ Նա պարբերաբար այցելում էր միջազգային կառույցներ, գործընկերների հետ պարբերաբար աշխատանքներ էր իրականացնում։ Եվ կարող ենք արձանագրել, որ այդ աշխատանքներն այս իշխանություններին պետք չեն»,- նշեց Խամոյանը և հավելեց, որ Աշոտյանը խանգարում էր իշխանությունների ծրագրերին։