Կաթնամթերքի ոլորտում անբարեխիղճ մրցակցության դեպքերով կիրառվել է շուրջ 34 մլն դրամի տուգանք. ՄՊՀ

Մրցակցության պաշտպանության հանձնաժողովը կաթնամթերքի շրջանառության ոլորտում իրականացրել է մի շարք ուսումնասիրություններ: Ուսումնասիրությունները նպատակ են ունեցել բացահայտել կաթնամթերքում բուսական յուղ օգտագործելու և սխալ կամ թերի մակնշման միջոցով հասարակության մոլորեցման դրսևորմամբ անբարեխիղճ մրցակցության դեպքերը: Արդյունքում, 2023 թվականին հարուցվել է 14 վարույթ, 10 տնտեսվարողի նկատմամբ նշանակվել է տուգանք շուրջ 34 մլն դրամի չափով, 1 վարույթ կարճվել է, 3 վարույթ դեռ ընթացքում է:

2018-2023 թվականներին, ընդհանուր առմամբ, կաթնամթերքի ոլորտում գործունեություն իրականացնող ընկերությունների նկատմամբ հարուցվել է 72 վարույթ, որոնց արդյունքում նշանակվել է ընդհանուր շուրջ 142 000 000 ՀՀ դրամի չափով տուգանք։

Անբարեխիղճ մրցակցություն է համարվում տնտեսավարող սուբյեկտի ցանկացած գործողություն կամ վարքագիծ, որը հակասում է «Տնտեսական մրցակցության պաշտպանության մասին» օրենքին, այլ օրենքներին, նորմատիվ իրավական ակտերին կամ գործարար շրջանառության սովորույթներին, խախտում է տնտեսավարող սուբյեկտների միջև կամ վերջիններիս ու սպառողների կամ ձեռք բերողների միջև բարեխղճության` ազնվության, արդարության, ճշմարտության և (կամ) անաչառության սկզբունքները:

Անբարեխիղճ մրցակցության համար նշանակվող տուգանքի չափը կազմում է տնտեսավարող սուբյեկտի հասույթի մինչև հինգ տոկոսը:

Արագացված վարույթի կիրառման դեպքում անբարեխիղճ մրցակցության համար նշանակվում է տուգանք անբարեխիղճ մրցակցություն դրսևորած տնտեսավարող սուբյեկտի հասույթի մինչև 2,5 տոկոսի չափով: Տուգանքի վճարման պարտականությունը համարվում է պատշաճ կատարված Հանձնաժողովի որոշմամբ նշանակված տուգանքի 75 տոկոսը որոշման ուժի մեջ մտնելուց հետո՝ երկամսյա ժ