Որ դեպքում կարող է ՀՀ քաղաքացին մուտք գործել Վրաստան նույնականցման քարտով
Կարո՞ղ է Հուլիսի 1-ից ՀՀ քաղաքացին մուտք գործել Վրաստան նույնականցման քարտով (iD Card)։ Այս է արել գործարար Ստեփան Գրիգորյանը ֆեյսբուքյան իր էջում ևպատասխանել իր իսկ բարձրացրած հարցին։
Նա մասնավորապես գրել է.
«Այո և Ոչ
Այո այն դեպքում, երբ դուք կունենաք ժամկետի մեջ կապույտ անձնագիր և դրա մեջ կլինի ժամկետի մեջ վավերացման կնիքը(դե այն, որ հայերս վիզա ենք ասում, էն տարին հազար դրամանոց պեչատը)։ Այդ անձնագիրը կարող է տանը լինել, բայց պետք է գոյություն ունենա։ Եվ իհարկե ոչ, եթե այս պայմանները չես ապահովել։
Իսկ ինչու՞ այս մանրամասները իշխանության վերնախավը չէր պատմում, այդի քարտով Վրաստան մուտք գործելու մասին պատմելիս, ինչու՞ իզուր տեղը քաղաքացուն դնել հնարավոր վատ վիճակի մեջ։
Չէ՞ որ կլինեն մարդիկ, ովքեր հիմք ընդունելով բարձրագույն ղեկավարների հրապարակումները, և չուսումնասիրելով ԱԳՆ հպանցիկ հայտարարությունները, թերի ինֆորմացիայի պատճառով կարող են ապակողմնորոշվել և խնդիրների հանդիպել։
Ա դե որովհետև սա արդեն այնքան հմայիչ մեգաձեռքբերում, այնքան պաթոսային չի հնչում։
Արտգործնախարարության նյութը կդնեմ մեկնաբանություններում, կարդացեք, խնդրեմ, հետագայում խնդիրներից խուսափեք»։
