Իրավիճակ է փոխվում, հայկական դիվանագիտության համար ինչ-որ շանսեր են ծնվում. քաղաքագետ

Ռուսաստանի լրատվամիջոցները և սոցցանցերը մի քանի օր է հեղեղված են թուրքական դավաճանության մասին մեկնաբանություններով: Այս մասին գրում է քաղաքագետ Գարիկ Քեռյանը:

«Պարզվում է` Ազով ուկրաինական զորամիավորման հրամանատարները Թուրքիայում ապրել են բարձրակարգ հյուրանոցում, լողափում վայելել են բոլոր հաճույքները: Էրդողանը նրանց շուքով դրել է Զելենսկու հետ և ճամփել Կիև:

Նման հզոր ապտակ մեկ էլ դեսպան Կառլովի սպանությունն էր և ռուսական ինքնաթիռի խոցումը թուրքական հրթիռով: Բոլորը միաձայն բղավում են . վաաայ սուլթանը դավաճանել է...

Հայաստանում բոլոր փորձագետներն ու հատկապես թուրքագետները երեք տարվա մեջ երեք հարյուր հազար անգամ զգուշացնում էին, որ վերջը դա է լինելու: ՌԴ ԱԳՆ կոշտ հայտարարություն է արել Արցախի խնդրով: Ադրբեջանի ԱԳՆ-ն անմիջապես պատասխանել է և մեղադրանքներ առաջադրել հատկապես խաղաղապահներին: Իրավիճակ է փոխվում, հայկական դիվանագիտության համար ինչ-որ շանսեր են ծնվում:

Պարոնայք,  փորձեք օգտվել, գուցե մի բան ստացվի, թեկուզ և ճանապարհը հնարավոր լինի բացել, արցախահայությունը օրհասական վիճակում է: Թուրքիան և Ադրբեջանը հեռանալով ՌԴ-ից ավելի սերտացնելու են հարաբերությունները Արևմուտքի հետ: Պուտինի դեմ գործելու դիմաց խոստացել են մտցնել Եվրոպական Միություն:

Միաժամանակ քաջ ծանոթ լինելով Էրդողանի ձեռագրին գործում են утром стулья вечером деньги սկզբունքով: Անկարայից ասում են կլինի деньги сначала, երկրաշարժ է եղել, փող է պետք: Նրան պատասխանում են можно, но стулья вперед:

Ես հանրահայտ ֆիլմից մի փոքր շեղվեցի: Ահա այսպիսին է ժամանակակից քաղաքականությունը, օրվա մեջ քսանչորս ժամ զբաղված են կեղծելով և արժեքները և բարոյականությունը»,-գրել է քաղաքագետը: