ՌԴ ԱԳ փոխնախարարը հանդիպել է Ադրբեջանի դեսպանի հետ

ՌԴ-ն հաստատել է ՀՀ, ՌԴ և Ադրբեջանի ԱԳ նախարարների հանդիպում կազմակերպելու Հուլիսի 17-ին Ռուսաստանի Դաշնության արտաքին գործերի փոխնախարար Անդրեյ Ռուդենկոն հանդիպել է ՌԴ-ում Ադրբեջանի Հանրապետության արտակարգ և լիազոր դեսպան Փոլադ Բյուլբյուլօղլուի հետ։ Այս մասին հայտնել է ՌԴ ԱԳՆ մամուլի ծառայությունը։

«Զրույցի ընթացքում քննարկվել է իրավիճակը Հարավային Կովկասում, Բաքվի և Երևանի հաշտեցման գործընթացը։ Ռուսական կողմը հաստատել է Լաչինի միջանցքի ամբողջական և անհապաղ ապաշրջափակման, դրա երկայնքով երկու ուղղություններով տրանսպորտային կապերի վերականգնման անհրաժեշտությունը՝ համաձայն 2020 թվականի նոյեմբերի 9-ի եռակողմ հայտարարության, ինչպես նաև Լեռնային Ղարաբաղում նորմալ կյանքի համար պայմանների ստեղծման»,- ասվում է հաղորդագրության մեջ։

ՌԴ ԱԳՆ այս տարվա հուլիսի 15-ի հայտարարության առնչությամբ Ադրբեջանի ԱԳՆ-ի ոչ կոռեկտ մեկնաբանությունների հետ կապված ընդգծվել է, որ «Ռուսաստանի Դաշնությունը միշտ հարգանքով է վերաբերվել և վերաբերվել Ադրբեջանի Հանրապետության տարածքային ամբողջականությանը, լիովին հավատարիմ է դաշնակցային համագործակցության մասին երկկողմ հռչակագրի ոգուն ու տառին։ Միևնույն ժամանակ, դա չի վերացնում հայ-ադրբեջանական հարաբերությունների կարգավորման գործընթացը համակողմանիորեն խթանելու, օրակարգային բոլոր հարցերը, այդ թվում՝ Լեռնային Ղարաբաղի բնակչության իրավունքների և անվտանգության ապահովումը, բացառապես խաղաղ քաղաքական և դիվանագիտական մեթոդներով լուծելու խնդիրը»:

Ռուսական կողմը նաև «հաստատել է իր պատրաստակամությունը մոտ ապագայում Մոսկվայում կազմակերպել արտգործնախարարների եռակողմ հանդիպում՝քննարկելու պայմանավորվածությունների կատարման ուղիներն ամենաբարձր մակարդակով, ներառյալ խաղաղության պայմանագրի շուրջ համաձայնության հարցը, որին կհաջորդի երկրների ղեկավարների գագաթնաժողովը։ Ռուսաստանը, Ադրբեջանն ու Հայաստանը Մոսկվայում կստորագրեն նշված փաստաթուղթը»։