Նիկոլից ավելի Նիկոլ․ ինչո՞վ է պայմանավորված իրեն երգահան ու դերասան հռչակած Մադլենյանի սերն առ Նիկոլ

Երգիչ, երգահան, դերասան, մի խոսքով, շոու բիզնեսի ներկայացուցիչ Ռիչարդ Մադլենյանը երեկ չի հետևել Նիկոլ Փաշինյանի ասուլիսին, բայց այսօր նայել է ու հասկացել, որ Փաշինյանին հարցեր տվող լրագրողների մակարդակն «ուղիղ անալոգ է հայկական շոու-բիզնեսի»․․․ նա նաև լրագրողներին կոչ է արել «լրջանալ»․․․

Նա մասնավորապե գրել է․

Իհարկե, կարելի է ենթադրել, թե կոնկրետ ինչն է այդքան հուզել կապիտուլյացիայի ու երկիրը թշնամուն հանձնելու մեջ մեղադրվող ղեկավարին սատարող երգահանին։

Երևի նա վատ է զգացել այն լրագրողների հարցերից, որոնց պատճառով Փաշինյանը հունից դուրս եկավ, սկսեց խառնիխռիվ ու ոչինչ չասող պատասխաններ տալ․ Մադլենյանն անլուրջ է համարում, որ լրագրողը Փաշինյանին հորդորում էր չկաշկանդվել ու չվախենալ Արցախ բառը օգտագործելուց, Մադլենյան Ռիչարդը վատ է զգացել, որ իր սրտի վարչապետի առաջ են դրել նրա իշխանության թալանն ու անգրագետ կառավարումը, որ Փաշինյանին դավաճան են ասել, որ կանխատեսել են, թե ինչ կլինի Փաշինյանի մահից հետո և ովքեր կսգան նրա մահը (թեև երևի թե անգամ հարազատ ընտանիքի վշտին չի արժանանա), ի վերջո երգահան ու չհաջողված դերասան Ռիչարդը երևի վատ է զգացել լրագրողի հեգնական տոնից, որով նա իր դիտարկումներն ուղղեց Փաշինյանին։

Մադլենյանի համարձակությունը, իհարկե, չի ների լրջություն պահանջել ոչ թե լրագրողներից, ովքեր ասելիք չունեն դավաճան կառավարությանը, քան այն, որ նա դավաճան է, այլ հենց այդ կառավարության գլխից․․․․

Լրջությունը պետք է ու վաղուց արդեն ժամանակն է պահանջել հենց Նիկոլ Փաշինյանից, ով խաղամոլի նման ազարտի մեջ է ընկել ու տանուլ է տալիս ամբողջ երկիրը՝ մեկը մյուսի հետևից թուրքին տարածքներ հանձնելով։

Ի՞նչ մակարդակի մասին է խոսում Ռիչարդը, եթե իր իսկ մեկնաբանությունն անմակարդակ ու անկիրթ մոտեցում է երկրում տիրող իրավիճակին։

Ի՞նչ էր նա սպասում լրագրողներից՝ չխոսե՞լ Արցախի մասին, չբացահայտել Նիկոլի ստերն իրենց հարցերով, չխոսե՞լ նրա վախերից, իրենց ակնարկներով չասե՞լ, որ իրականում Փաշինյանը սպասարկում է թշնամի երկրի շահերը․․․

Ի՞նչն էր անլուրջ, ի՞նչը դուր չի եկել Մադլենյանին․․․ 

Իսկ լա՞վ է զգում, երբ Հայաստանը մեծ-մեծ պատառով ու հայկական Արցախն այսօր թշնամու երախում են՝ հազարավոր սոված մանուկներով, տարեցներով, հղիներով ու, ընդհանրապես, հայ քաղաքացիներով, ովքեր զգում են Հայաստանի օգնության կարիքը, բայց տեսնում են իրենց միայնակ ու անտեսված։

Անլո՞ւրջ է, երբ նրանց մասին լրագրողներն իրենց ձայնագրություններով հիշեցնում են Փաշինյանին․․․

Իրականում լրագրողներն անլուրջ են վերաբերվել հենց երգահան ու իրեն դերասան հռչակած Մադլենյանի գրառմանը, բայց խնդիրն այն է, որ նրա այդ գրառումը խոսում է իր տեսակի մասին, այն տեսակի, որը պառկում է բոլորի տակ, ով իրեն կարող է կերակրել։

Այս առումով թերևս Մադլենյանն ունի խորհրդի կարիք՝ կողմնորոշվի՛ր ու վերջապես ինքդ քեզ կերակրիր, վաղուց արդեն մեծացել ես, պետք չի պառկել օրվա իշխանության տակ, հատկապես երբ այդ իշխանությունը կաթնատու չէ, այլ միայն եղածը փոշիացնող։

Փաշինյանին հեգնող ու հարցեր տվող լրագրողներին անլուրջ համարող Մադլենյանը մի առիթով Նիկոլի մասին ասել է․

«Ժամանակի ընթացքում ես վարչապետի մոտ այնպիսի որակական հատկանիշներ բացահայտեցի, որոնք ինձ թույլ են տալիս ասելու, որ կա գիտակցություն և խոր կշռադատվածություն»․․․

Այս խոսքերը Ռիչարդն ասել է 2020 թվականի պատերազմից հետո, նույն այն Փաշինյանի մասին է ասել, ով երկիր է հանձնել թշնամուն, ով հազարավոր զոհեր է տվել ու շարունակում է պատառ-պատառ անել երկիրը, բզկտել ժողովրդին, պառակտում մտցնել մարդկանց մեջ ու բոլորին տանել կործանման․․․

Իհարկե, կարելի էր Մադլենյանի գրառմանը կամ ընդհանրապես չարձագանքել, կամ էլ ավելի լուրջ մոտենալ, բայց նրա շողոքորթ ու անլուրջ գրառմանը սա էլ է շատ։

Վերջում ներկայացնում ենք նաև մի քանի մեկնաբանություն լրագրողներից, որտեղ նրանք պարզապես կատակում են Մադլենյանի «շատ լուրջ» գրառման շուրջ։

Արմինե Մկրտումյան