Էնքա՜ն կեղտոտ նամակներ ունեմ, որ ապրում եմ ուղղակի, կոկորդս չեմ պատռում Արցախի համար ու լուռ եմ. Իննա Խոջամիրյան (լուսանկար)

Էնքա՜ն կեղտոտ նամակներ ունեմ... Էնքան չարախոսություն ու պիտակներ ու մեղադրանքներ եմ ստացել... Զուտ նրա համար, որ ապրում եմ... ուղղակի... Որ կոկորդս չեմ պատռում Արցախի համար ու լուռ եմ: Այս մասին ինստագրամյան իր էջում գրել է դերասանուհի Իննա Խոջամիրյանը: 

«Թե իմ կոկորդ պատռելը կբացեր էդ ճանապարհը` երդվում եմ պատրաստ եմ: Բայց թե ուզում եք, որ ես էլ Արցախի համար «կոկորդ պատռելու» անունի տակ ձեր պես ցեխ շպրտեմ իմ մյուս հայրենակիցների վրա, ատելություն սերմանեմ, դավաճաններ փնտրեմ, մեկին թաղեմ, մյուսին անիծեմ, հայհոյեմ... Չարանամ... Ապա հանգիստ թողեք ինձ:

Ամենաշատն ինչ ես ուզում եմ, որ էս նկարի ամենամաքուր, բայց արդեն տանջված ու լիիիքը բան տեսած աչուկներն էս ամենը չտեսնեին ու եթե ճար կա` չտեսնեն այսուհետ:

Մենք երևի աղավաղված մանկություն ենք ունեցել, որ էսքան չարացել ենք իրար հանդեպ: Ամենաշատն ինչ ուզում եմ` էս մի բուռ հողի նոր ու մատղաշ սերունդը ևս աղավաղված մանկություն չունենա... Եթե հնարավոր ա դա...

Իսկ ես... իմ մասին մի մտահոգվեք, 2020-ից էս կողմ ես ամեն գիշեր աղոթում եմ քնելուց առաջ, որ հաջորդ առավոտյան մղձավանջի մեջ չարթնանամ նորից (չնայած մղձավանջի մեջ էլ ապրում ենք).. Ես գոնե հավատում եմ, որ մի տեղից մի լույս կվառվի... Ես էդ հույսը ՓԱՅՓԱՅՈւՄ ԵՄ մինչ օրս գրողը տանի...ու դա եթե ձեզ` մեծարգո պսևդոհայրենասերներիդ չի բավարարում, ինձ բուժում է մասամբ...

Մնացածդ հետաքրքիր չեք:

Հ.Գ. նկարը` հացի հերթից տուն վերադառնալիս»: