Սա՞ է Ադրբեջանի, Հայաստանի ու միջազգային հանրության առաջարկած անվտանգությունը. Արտակ Բեգլարյան

Լաչինի միջանցքում գտնվող ապօրինի անցակետից Կարմիր խաչի ուղեկցությամբ Հայաստան բուժման մեկնող 68-ամյա Վագիֆ Խաչատրյանին առևանգելով՝ Ադրբեջանը թեւակոխեց արցախցիների ցեղասպանության հաջորդ փուլ։ Նման դիտարկմամբ է հանդես եկել Արցախի նախագահի խորհրդական Արտակ Բեգլարյանը:

«Իրականում այս փուլի մեկնարկի ազդանշանը Հաջիևի՝ «Խաղն ավարտված» արտահայտությունն էր։ Ալիևի ռեժիմը որոշեց հանել իր դիմակներից եւս մեկը և ավելի բացահայտ ցույց տալ իր ցեղասպան դեմքը.

Իհարկե, նրանք արդեն սկսել են արդարանալ՝ խոսելով այս անձի կողմից, իբր, կատարված «հանցագործությունների» մասին։ Բայց ադրբեջանական կողմը մոռանում է, թե 1988 թվականին ինչ ցեղասպանական հանցագործություններ է կատարել հայ ժողովրդի նկատմամբ։ 1991-1992 թվականների զանգվածային գնդակոծությունների ներքո ամիսներ շարունակ Արցախի շրջափակումից, վերջացրած ցեղասպանական հանցագործություններով, որոնք իրականացվում են ներկայումս։
Սա՞ է Ադրբեջանի, Հայաստանի և միջազգային հանրության առաջարկած իրավունքն ու անվտանգությունը։ Դադարեցրեք ադրբեջանական ցեղասպանության քաղաքականությունը և Արցախը Ադրբեջանին ենթարկեցնելու խաղը, այլապես դուք բոլորդ անխտիր մեղավոր կլինեք գալիք ցեղասպանության համար։

Իսկ ԿԽՄԿ-ն կլռի՞ միջազգային մարդասիրական իրավունքի այս կոպտագույն խախտման մասին։

Վագիֆ Չերքեզովիչ Խաչատրյանը ծնվել է Արցախում 1955 թվականին, ապրում է Ասկերանի շրջանի Պատարա գյուղում։ Ինչպես գրեթե բոլոր արցախցի տղամարդիկ, նա 1991-1994 թվականներին պաշտպանել է իր հայրենիքն ու անվտանգությունը ադրբեջանական ագրեսիայից։ Իսկ այսօր նրան առևանգել են Կարմիր Խաչի ներկայացուցչի և սեփական դստեր աչքի առաջ։ Նա սրտի ծանր հիվանդություն ունի, որի բուժման համար մեկնում էր Երեւան», - տելեգրամի իր ալիքում գրել է Արցախի նախագահի խորհրդականը։

Իսկ ԿԽՄԿ-ն կլռի՞ միջազգային մարդասիրական իրավունքի այս կոպտագույն խախտման մասին։