Ադրբեջանի ԱԳՆ-ն արձագանքել է Փաշինյանի հայտարարություններին

Նիկոլ Փաշինյանի՝ սեպտեմբերի 7-ին կառավարության նիստի ժամանակ հնչեցրած մեղադրանքներն Ադրբեջանին՝ կապված տարածաշրջանում ռազմաքաղաքական իրավիճակի սրման հետ, ինչպես նաև հայտարարությունները «Ադրբեջանի տարածքում» ուժերի ենթադրյալ կենտրոնացման մասին, հերթական կեղծ քաղաքականության մի մաս են. մանիպուլյացիա Հայաստանի կողմից:  Այս մասին գրում է APA-ն վկայակոչելով Ադրբեջանի ԱԳՆ-ի հայտարարությանը, որում գերատեսչությունը պատասխանել է Փաշինյանին: 

«Բոլորը գիտեն, որ տարածաշրջանի անվտանգության իրական վտանգը «Հայաստանի կողմից» շարունակվող ռազմաքաղաքական սադրանքներն են, հայկական կողմի, այդ թվում՝ վարչապետի շարունակվող պահանջներն Ադրբեջանի տարածքային ամբողջականության և ինքնիշխանության դեմ, հայկական զինված ուժերի, որոնք, հակառակ ստանձնած պարտավորություններին, դեռ դուրս չեն բերվել «ադրբեջանական» տարածքներից (նկատի ունի Արցախի Հանրապետության Պաշտպանության բանակը-խմբ.)։ 

Տարածաշրջանում խաղաղություն և անվտանգություն հաստատելու համար հայկական կողմը պետք է հրաժարվի Ադրբեջանի նկատմամբ տարածքային հավակնություններից, դադարեցնի ռազմական և քաղաքական սադրանքները, դադարեցնի խաղաղության պայմանագրի բանակցային գործընթացի հաջող ավարտի խոչընդոտները»,- ասվում է հայտարարության մեջ։