Կենտրոնի թաղապետն ու թաղայինները. ովքեր էին Աբովյան 22 ներխուժել. «Ժողովուրդ»

«Ժողովուրդ» օրաթերթը գրում է.

«2019 թվականին վարչապետի աթոռը նոր զբաղեցրած Նիկոլ Փաշինյանը խրոխտ հայտարարեց, որ այլևս որևէ մեկը չպետք է թիկնազորով շրջի, հակառակ դեպքում նրանց «կպառկեցնեն ասֆալտին»: Թերևս Երևանի Կենտրոնի թաղապետը նման վարքագիծ է դրսևորում, և ոչ մի ցուցադրական ակցիա իրավապահների կողմից չի բեմադրվում:

«Ժողովուրդ» օրաթերթի տեսախցիկը ֆիքսել էր, թե ինչպես է Կենտրոն վարչական շրջանի ղեկավար Սամվել Ղուկասյանը Աբովյան 22 հասցեի բակ մտել (առաջին տպավորությամբ) թիկնապահների ուղեկցությամբ: Երբ մեր լրագրողը մոտեցավ թաղապետին՝ պարզելու, թե ինչու է բակ եկել, նա հայտնեց, թե եկել են աշխատանքները ստուգելու։

Հետևաբար՝ ովքե՞ր էին թաղապետի հետ պտտվող, այսպես ասած, թիկնապահները. Երևանի կենտրոնի աղմկարար բնակիչներ, որոնց անունները այս կամ այն քրեական գործի կամ սկանդալի շրջանակներում են պտտվել մամուլում:

Եվ այսպես, մուգ վերնազգեստով, ակնոցներով ուղեկից տղան Աշոտ-Արչի Սարդարյանն է: Նա հայտնի գործարար Արմեն Գինոսյանի՝ Մոնարխի Արմենի փեսան է:

Սպիտակ վերնազգեստով ուղեկից պարոնը Նալբանդյան-Վարդանանց խաչմերուկում գտնվող հայտնի «բոքսի դալան»-ի Արմենչիկն է:

Մյուս ուղեկից պարոնը ալավերդյանցի Բոյով մականունով հայտնի մեկն է:
Մյուս երիտասարդները Աշոտ-Արչի Սարդարյանի թիկնապահներն էին, որոնք մշտապես շրջում են Մոնարխի Արմենի փեսայի հետ, սակայն Նիկոլ Փաշինյանը նրանց «ասֆալտին փռելու» հրահանգ չի տալիս: Ինչու՞. որովհետև տարբեր թելերով կապված են փեսան ու աները հեղափոխական իշխանիկների հետ:

Թե կոնկրետ ինչ նպատակով են նրանք այս ընտրություններում աշխատում ՔՊ-ի համար, և որտեղ են իրենց միջոցներով շտաբներ բացել ՔՊ-ի համար, կներկայացնենք հաջորդիվ:

Հիմա միայն արձանագրենք, որ Կենտրոնի թաղապետ Սամվել Ղուկասյանի համար փողոցային վարքուբարքն է ընդունելի»:

Առավել մանրամասն թերթի այսօրվա համարում: